انا بمسح دموعي ودخلت الحمام بسرعة وغسلت وشي وحطيت ميكب خفيف عشان يدي لون لبشرتي اللي بهتت…
-تقي.حبيبتي…
كان صوت علي بينادي عليا…
-ايوة يا حبيبي انا في الحمام..
قولتها بصوت حاولت ميبانش عليه أنه مخنوق وطلعت من الحمام وانا راسمة ابتسامة حلوة علي وشي…
طلعت ووقفت قدام علي ابتسم وقرب مني وحضنني جامد وقال:(بقلم سولييه نصار)
-وحشتيني…
ابتسمت بحب رغم أنه مر سنة علي جوازنا إلا أنه بيعاملني كأننا في البداية في شهر العسل
-وانت وحشتني اكتر…
قولتها وانا ضميري بيأنبني بسببه…(بقلم سولييه نصار)
بعد فقولت:(بقلم سولييه نصار)
-استني هجهز الغدا انت جيت بدري النهاردة فمعلش الغدا هيتأخر شوية..
شد علي ايدي وقال:
-لا يا حبيبتي مفيش داعي أنا جيبت اكل من برا…أكلة سمك تستاهل بوقك…يالا بس اعملي الرز و حطي الاكل علي السفرا عقبال ما اخد شاور…
هزيت راسي وروحت علي المطبخ عشان اعمل الرز…
……
بعد فترة (بقلم سولييه نصار)
كنا قاعدين وبناكل سوا وعلي بيهزر معايا كالعادة…حياتي من اول ما اتجوزت علي وهي جميلة كأن ربنا بيعوضني علي القر.ف اللي شوفته مع وائل…وائل اللي حبيته وامنتله عشان اكتشف أنه واحد كدا.ب مخا.دع كان عايز حاجة معينة مني وبعدين ير.ميني…
لكن علي علي كان راجل معايا حتي لما اتأخرت في الخلفة مشتكاش بالعكس بيعالجني وبيهون عليا…أنا حبيت علي…حبيته اكتر من حياتي ومش هسمح أن حياتي معاه تتهـ.د..حتي لو اضطريت ادي وائل فلوس عشان يسكت هعمل المستحيل عشان علي يفضل في حياتي !!!
…..
بعد ما خلصنا الغدا جه اتصال لعلي من المحل…بصلي بضيق وقال:
-شايفة الشغل ميقدرش يمشي من غيري معلش يا حبيبتي هروح المحل وساعتين واجي ونسهر سوا أنا وانتي أتفقنا؟!
-اتقفنا يا حبيبي…
ابتسم وباس راسي وبعدين مشي…
….
كنت بغسل المواعين لما تليفوني رن فجأة مسكته وجسمي اترعش و