_الدنيا بقت وحشه يا عمر ولا صداقه ولا حب ولا اي حاجه انا كنت بدأت انساك وأحبه بس هوا قلب الموازين وبهدلنى
_طيب اهدي يا ريم وتعالى اوصلك بيتك
_ماشي
ركبت ريم العربيه مع عمر وكان عمر مشتتا معقول كل اللي بيحصله دا ومعقول يكون القدر وصله ريم علشان يعرف حقيقه اللي حواليه ويا تري فعلا ريم بتحبه ولا بتضحك عليه زيهم مهو الوشوش بقت خداعه بقاش عارف مين معاه ومين ضده وخائف كمان ليكون اتخدع في وش البراءه اللي عملاه نور…
_ايوا هنا يا عمر شكرا جدا ليك
_على اي بس انتى ادعيلي الاقي ابنى لانى بجد تعبان بفراقه ولو عرفتي اي حاجه قوليلي
_حاضر يا عمر متقلقش انا هحاول اوصل لاي حاجه ربنا يعترك فيه…
نزلت ريم وطلع عمر على البيت كانت الساعه ٣الفجر طلع الشقه ودخل كانت والدته قاعده لسه بتصلي ولما شافته أنهت صلاتها وقامت..
_وصلت لحاجه يا ابنى لقيت يحيي
_ان شاء الله يا امي هلاقيه هروح بكرا اجيبه من اللي خطفوه
_ان شاء الله يا ابني ربنا يرجعه بس مين اللي يعمل كدا ومين ليه مصلحه
_الله أعلم يا امى معلش انا تعبان دلوقتي هدخل اريح شويه علشان اليوم بكرا طويل….
دخل عمر الغرفه..
*انا تعبت كل يوم الغاز وكل يوم تعب انا مش عارف مين معايا ومين ضدي وحازم هيستفاد اي من كل دا ولو مش هوا غيره هيستفاد اي انا عمري ماذيت حد ولا جيت على حد هم لى بيعملوا فيا كدا وريم اللي ظهرت دي ونور اللي مش عارفلها قافيه وغيرهم انا بقتش عارف مين معايا ومين ضدي وريهام نفسها شاكك فيها…
يارب صبرني ونورني يارب انا تعبت واعصابي باظت الحكمه من عندك يارب…
في الوقت دا الفجر أذن وكأنها إشارة أن فرج الله قريب…