يامن/انا هنزل مع هود… واحتمال ارجع اتطمن عليكي على بليل كدا…
فرح/مفيش مشكله…اتوكل انت على الله وانا هنا في آمان
يامن كان هيتطلع برا الاوضة وفتح الباب بس لاحظ حد كان مركز معاه من ازاز شباك الاوضة وكإنه بيراقبه واول ما شافه دور وشه الناحيه التانيه
هود/يلا.. واقف كدا ليه
يامن بص لفرح/انزل انت… جاي وراك
فريدة/والله لاجوزهولك
ابتسام/بس بقا يا خالتي… انا مش هتجوز هشام لو حصل اي… هو مش عايزني وبيحب مراته… دي مش اول مره… انا فعلا رخصت نفسي مع هشام اوي زي ما نورا قالت
فريدة/دموعك غالية يا بنتي… والله لاندمها بنت غادة… انا اصلا مش موافقة علجوازة دي من الاول…. يابت متفقديش الامل… مش هشام دا حبيبك الي بتتمنيه طول عمرك
ابتسام/كااان.. دلوقتي هو حبيب حد تاني ونورا هتاكلني بسنانها لو قربتله تاني… دا المرة دي اتكلمت بس الله واعلم المرة الجايه تعمل اي
فريدة/طب تعمل تعمل وتشوف انا هعمل فيها اي
سمعت تخبيط علباب جااامد
فريدة قامت تفتح واتفاجئت بجوز اختها داخل بكل غضب وشاف ابتسام قاعدة في الاوضة ودماغه فارت لما شاف فستانها ومحسش بنفسه غير وهو هاجم عليها عمال يضر ب فيها بقلم مريم الشهاوي
نورا~قولت لابوها ليه بس… يا هشام ليه الاذيه
هشام/اذية اي! والي بيعملوه معاكي دا مش اذيه؟… انا قولت لخالتي كذا مره وحاولت اعسل الكلام عشان مبوظش وش ابتسام قدام امها…. وهي معلمتهاش ان دا غلط… خلاص بقا نقول لابوها يمكن يعرف يربيها من اول وجديد…. انت مش متخيلة انا دمي محروق قد اي من موقفهم يا نورا… يعني فلنفترض انك مطلعتيش عاقلة واتصرفتي بتصرف اي زوجة غيورة اما شافته مع واحدة تانية اتجننت… كنا هنخسر بعض ساعتها بالتأكيد…. ودا الي هما عايزينه يبقى نوقفهم عند حدهم لاني خلاص تعبت من امي… وتعبت من مشاكلها معايا بسبب الحوار دا
نورا بحزن/اعذرها يا هشام… هي برضو محرومة من انها يكون ليها حفيد منك
هشام بعصبيه/وانت كمان محرومة من الامومة انت اكتر… مفيش واحدة بتبقى مبسوطة اما متبقاش ام…. انت عارفة ان الموضوع مش فارق معايا…. وواثق ان دا رضا وخير من ربنا… ربنا اكيد فاتحلنا خير في حته تانيه ممكن نكون بنخطط لحاجه كبيرة ونخسرها ونفضل نقول ليه كدا يارب اشمعن انا وهو يبقى فاتحلنا باب تدابيره الي نعجب منها ونقول ياه يارب دا كتير عليا اوي…