سانتى ___ بصى يا ستى، أدهم تنازل عن المصنع لمدحت وهند مراته
طبعا دلوقتى عايز يرجع تانى للمصنع وفكر انه لو لبس مدحت جريمه
وكمان هو الى ينقذنا بنفسه، موقفه هيكون قوى وبابا والشرطه هتصدقه
بيلا معقول أدهم يكون شرير كده؟
سانتى واكتر من كده امال انا سبته ليه
بيلا ____ لكن مين الحته الحلوه إلى كانت مع ادم دى؟ دي حركه بجد
سانتى بغضب مكبوت، تلاقيها واحده شمال بيتسلى بيها
بيلا معتقدش، دى ست برجوازيه اوى، يعنى هانم من الأخر
سانتى، اسكتى انتى متفهميش حاجه اصلا
أدهم استعاد وعيه فى منزل شاهنده، كان جنبه دكتور وممرضه، فيه ألم فى راسه، الدكتور قطب الجرح وحط لاصق طبى عليه
أدهم _____انا حاسس بصداع جامد اوى
الدكتور _______جرحك بسيط انت موهوم بس
أدهم مش قادر افتح عنيه من الصداع
الدكتور كتبله برشام بنادول للصداع وسابهم ومشي
أدهم لشاهنده هو ايه الى حصل هناك؟
شاهنده لسه هتتريق عليه وتقوله خطيبتك، ادهم كمل كلام
كان فيه بنتين هناك معرفهمش بس هما كانو عارفين أسمى
شاهنده بتريقه، متعرفهمش بجد؟
أدهم بحزن للأسف معرفهمش، مش متذكرهم
شاهنده بلعت ريقه، يعنى انت متعرفهمش فعلا؟
أدهم ايوه
شاهنده طيب انقذتهم ليه؟
أدهم يعنى عايزانى اشوف بنت بريئه بتتبهدل واقعد ساكت؟
شاهنده لا طبعا
الحمد لله انك بخير
أدهم انتى تعرفى البنات دى؟
شاهنده لا هعرفهم من فين يا أدهم
كيان نزلت من غرفتها وقعدت معاهم من غير ما تتكلم
لفت حولين أدهم، بصت على دماغه فى الشاش لمست راسه وقعدت
أدهم بعد شويه قال انا لازم ارجع بيتى
شاهنده مش هينفع دلوقتى انت تعبان
أدهم، انا اسف لكن لازم ارجع بيتى، ميصحش اقعد هنا
أدهم سابهم ومشي
أدهم كلم باتى وحكلها إلى حصل، باتى أصرت انها تزوره بعد ما تخلص الشغل، لأنها قريبه منه ومتابعه حاله، باتى وضحت لادهم ان إلى عنده ده مش صداع
وان ذهنه بيكافح عشان يستعيد الذاكره خاصه بعد الخبطه إلى خدها فوق دماغه
أدهم ____ لو اعرف كده كنت سبتهم طحنونى ضرب
باتى قالت وهى بتبص لادهم بصه غريبه ومستفزه
امال ايه الى انا شايفاه ده؟ هيضربوك اكتر من كده؟
أدهم بنبره فيها عتاب بلا استفزاز يا باتى
أدهم _____هموت واعرف البنتين دول عرفو أسمى ازاي؟
باتى، امر محير فعلا، هى شاهنده قالت ايه؟
أدهم، بص لبعيد، شاهنده متعرفش حاجه، البنات كمان سبونى ومشيو
وكمل كلامه، لو كنت شخص كويس ويعرفونى فعلا عمرهم ما كانو مشيو وسابونى فاقد للوعى
باتى ______ يا أدهم احنا فى زمن غريب، وكل إلى قلبه طيب بيتخوزق
يلا انبطح يا استاذ خلينى اشوف جرحك
أدهم تمدد على بطنه، باتى فكت الشاش الطبى والاصق تشوف الجرح
شاهنده دخلت من باب البيت، باتى انتى هنا؟
باتى استغربت، مفيش علاقه تجمعها بشاهنده ولا حتى اتكلمت معاها قبل كده
وقفت تسلم عليها
شاهنده قعدت وحطت رجل على رجل وبصت لباتى
انا عارفه ان علاقتك قويه بادهم ياريت تقنعيه يقبل الشغل إلى انا عرضته عليه
باتى ____شغل ايه يا ادهم؟
أدهم اسكتى يا باتى
شاهنده الاستاذ طلب مبلغ ١٠٠٠٠ جنيه وانا وافقت دلوقتى رافض الشغل
باتى معقول يا أدهم؟
هو شغل ايه يا مدام شاهنده؟
شاهنده بغرور اي حاجه يختارها
باتى حست ان الموضوع معقرب رغم كده طلبت من أدهم انه يقبل الشغل ولو حتى لوقت مؤقت
بعد ما شاهنده مشيت، أدهم يا باتى شاهنده عايزه تزلنى، تكسرنى بفلوسها
لكن مش هيحصل
انا شايفه المبلغ كويس جدا يا أدهم الصراحه مهما كانت نوعية الشغل
بعد كده ممكن تشترط عليها متمسش كرامتك
ادهم تصدقى فكره يا باتى