لا طبعا انا عمري ما اعمل كدا قالي شفتي انت اصلا بياعه وملكيش امان انت لو بتحبني فعلا زي مابتقولي كنتي قلتي ايوه مش لا واخترتي الشخص الي بيحبك مش اهلك !
قلت له انا مش هعمل حاجه حرام
راح قايلي خلاص عايز دهبي
المهم اديت لبابا الشبكه ورجعهاله
قعدت مع نفسي استوعبت انه اتنصب عليا واني كنت بتعامل بكل طيبه وعلى أساس بيحبني بجد بس هوا قدر يضحك عليا بالكلام الحلو انت حبيبتي و و و وانا صدقت
انا معرفش انه خبيث كدا انا مش بنام من كتر التفكير والصدمه الي فيا والله وفي نفس الوقت مش قادره اصارح اهلي انه اتنصب عليا انا عارفه اني غلطت لكن انا كنت بتعامل بطيبه على اساس انه بيحبني فعلا ارجوكم افهموني انا جالي حاله نفسيه والله
.
.
رنيت على مامته عشان ترجع لي العبايات حتى عشان انا استوعبت انه اتنصب عليا
مش عايزه الموبايل قلت اقولها ترجع لي العبايات بتاعتي وخلاص
رنيت عليها بقولها يا طنط انا عايزه العبايات وهقابلك في الموقف تدهملي
راحت رده عليا قالت لي (
هيا دي هديه تجيبيها لحد اصلا معلش مش هعرف اشوفك انا كدا كدا هرميهم في الزبالة ) قلت لا دول بتوعي انا عايزهم قالت لي انا هرميهم في الزباله وراحت قافله السكه في وشي
.
.
خطيبي الطما ع
رنيت عليه قلت له عايزه حاجتي قالي عايزهم تعالي البيت عندنا خديهم قلت له لا زي ما انا قابلتك في الموقف قابلني في الموقف واديني الحاجه
قالي لا مش هقدر اروح الموقف عايزه حاجتك تعالي البيت
ولو مجتيش انا هرن على ابوكي اقوله انه اديتني كل دا من وراه
اقسم بالله يا جماعه قالي كدا وانا خايفه يرن على بابا فعلا بابا لو عرف مش هيكست بس انا عمري ما اروح لهم عمري ما اروح
خطيبي الطما ع
عملت بلوك من كل حاجه ولسه بيرونا عليا ليومنا دا معرفش عايزين مني ايه بجد
.
.
انا جوايا نا ر عارفه اني غلطت لكن انا اتعاملت معاهم كأنهم اهلي والله انا تعاملت بكل طيبه بس معرفش ان نيتهم وحشه
مش عارفه اصارح اهلي بالي عملته عشان هيزعقولي وفي نفس الوقت مش عارفه اجيب حقي وهما مش سايبني في حالي يوميا رن عليا الأم والأب والابن
حسبي الله ونعم الوكيل فيه وفي اهله
في الي عملوه فيا والحاله النفسيه الي جبهوالي