بس الغريب أن ريان نفسه كانت عنده نفس النظرات دي
– هتبصلي كده كتير مفيش تعالى أتعشى ؟
ابتسم الجد من جنبه: انت الوحيد اللي تقدر تتكلم معايا كده لو حد غيرك كنت قت”لته، مين دي
ريان: مراتي
كانت سعاد قاعدة وكل اخواتها الشباب وعُمران اللي استأذن وقام من على الاكل
الجد بصوت جهوري: انا قولتلك تقوم من على الاكل ؟
رجع عُمران قعد تاني وضحك ريان وهو بيتقدم خطوة ورا التانيه
الجد: مش دي البنت اللي….
ريان بنظرة حادة: نتكلم لوحدنا افضل يا جدي دلوقتي انا ومراتي جعانين
شد ريان كرسي اقرب كرسي لجده وكرسي جنبه ل نوران اللي كانت بترتجف من الخو_ف
– قرب منها وهمس لها: خايفة ؟؟
نوران بخو_ف اكتر: ل..لا…ااااه خايفة احنا جينا هنا ليه
ضحك ريان وبص لجده ورجع همسلها تاني: عشان انتي عقابك هنا انا جايبك لقدرك الحقيقي
الجد بصرامه: العشاء انتهى ريان تعالى ورايا انت واللي معاك
ابتسم ريان وبصلها لقاها عايزة تعيط
قام الجد وقام ريان وراه ونوران وسعاد كانت هتروح وراهم بصلها الجد خلاها تقعد مكانها
دخل المكتب بتاعه وقفل ريان الباب عليهم
الجد: مين دي
ريان: مراتي
– تطلقها دلوقتي
نور بفرحه: ياريت قوله يا جدو