آسر.. اتنين بس انا عاوز سته
حور… لا كده ياحبيبي روح اتجوز ارنبه
آسر.. لو مش هتقدري اتجوز واحده تساعد معاكي
حور.. اصتبح وقول ياصبح
آسر.. خلاص اهو
حور.. ايه بقا هديتي
آسر.. اللي انتي عاوزاه
حور.. هطلب منك طلب بليل في الحفله بس أوعدني هتنفذه
آسر.. وعد هنفذه
في الاسفل كان محمود يشرف علي زينه الفيلا لعيد ميلاد حور فآسر نظم لتلك الحفله لهم فقط
آسر.. صباح الخير
محمود.. صباح النور امال حور فين
آسر.. قفلت عليها الباب علشان عاوزه تنزل تشوف الزينه
محمود بضحك.. والله انتم عيال
آسر… طب نلحق ننجز احسن تطلع تمو*تنا كلنا
في الاعلي كانت تقف امام المرأه ممسكه ببطنها بفرحه فأمس اكتشفت انها حامل وستخبر آسر اليوم
حور بفرحه.. آسر اكيد هيفرح
توجهت للسرير ممسكه بهاتفها تلهو قليلا
مر النهار سريعا فكانت تقف تنظر لنفسها بفرح فهي ترتدي فستان احمر كاتم بحزام احمر من المنتصف وحجاب اوف وايت وجزمه سوداء بكعب
حور.. والنبي انا قمر
لتمسك بطنها وتكمل
حور… شوفت ماما حلوه ازاي لما تيجي هلبس انا وانتي وبابا زي بعض علطول ونصور كتير ونغيظ الناس
ضحكت حور ونظرت للهاتفها لتري الساعه ولكن اتتها رساله علي الواتساب
حور.. رقم غريب هيكون مين
فتحت الرساله لتنزل دموعها بصمت وهي تري صور لآسر وميار معا في اماكن واوقات مختلفه
رمت الهاتف من يدها لتجلس علي الارض تضم قدميها ودموعها تهطل بغزاره
حور.. ليه كده ليه كل ده بيحصل معايا كل ما اقول الدنيا ضحكتلي برجع اتوجع اكتر من الاول
في الاسفل كان يرتدي بدله سوداء وتحتها قميص ابيض ناصع وفتح اول زرارين ليظهر جسده الغريض