– لاء
= وانا داخل هديك مسدس بتاع واحد منهم ترميه وانت خارج
زين سمع كلامها فعلا وراح عند اليخت وفضل مستني لحد ما وصلت واتكملت مع الاتنين الى واقفين وخدتهم على جمب زين فضل ماشي بهدوء جدا لحد ما دخل ولقي اوضه مقفوله فتحها وكانت جميله نايمه ومربوطه
– جميلة! جميلة قومي
= زين
حسيت ان قلبي رجع يدق تاني اول ما اطمنت عليها فكيتها وهي بتعيط معرفتش اعمل اي كنت بحاول اطمنها لحد ما قربت وخدتها فحضني – اهدي هنخرج سوا انا جيت عشانك
مسكت فيا جامد وهي بتعيط = انا اسفه مكنتش اعرف ان كل دا هيحصل انا
– شششش اهدي احنا دلوقتي لازم نمشي بسرعه متفكريش في اي حاجه احنا هنخرج
مسكت ايديها وخلتها ورايا ومشينا واحده واحده لحد ما افتكرت المسدس الي فجمبي وطلعته لكن خرجنا من غير ما يشوفنا
– ساره
= جميلة كويسة؟
– كويسة بس نايمه فالعربيه
= دلوقتي لازم تعمل زي ما قولتلك خد الورق
فلاش باك #
– وانتي هتعملي اية لو عرف ممكن يقتلك
= لا ماهو مش هيحلق
– ليه
= عشان من كام يوم بس قدرت امسك ورق يوديه في داهيه وكنت عامله حسابي اني ههرب لحد ما قالي عالي هيعمله مكنتش مهتمه بس لما شوفت جميلة كنت ساعتها راجعه من عنده وضربني شافتني وفضلت تتكلم معايا حسيت اني بكلم طفلة في منتهي البرائه قررت اساعدها فضلت تحكيلي عنك وعرفتك وجبت رقمك عشان تنقذها كانت واثقه انك هتلحقها نصيحه مني متسبهاش ابدا
باك #
= هسلم الورق اول ما تقوليلي انك بقيتي في امان
– اتفقنا سلملي على جميلة
روحت الفيلا وشلتها وهي نايمه طلعتها اوضتها داده فاطمه فضلت جمبها
– هي كويسة
= كويسة يا حبيبي
– سبينا شوية يا داده
خرجت وجميلة مكنتش باصه ليا
– جميلة
= ايوا
– ليه مشيتي
= عشان مكنتي عاوزني
– مين بس العبيط الى قال كدا
= انا
– كنتي مفروض تتكلمي معايا جميلة لو كان حصلك حاجه مكنتش هقدر استحمل
= وانا كويسة عاوزة امشي
– انا بحبك والمره دي بحبك يعني عاوزك معايا علطول يعني هنتجوز هه بقي
لقتها ابتسمت ومكنتش متوقع انها تعمل كدا
– دا انتي موافقه بقي !
= انا كمان بحبك
– يراجل
= ايوا عشان انقذتني انت سوبر زين
– يعني بتحبيني زي ما بحبك مش صحاب
= تؤ تؤ بحبك الي بجد
مسكت ايديها وبوستها بفرحه – متبعديش عشان عمري ما هسيبك
= حاضر
بعد ما الامور كلها اترتبت عملنا فرح كبير جدا مكنش في شخض واحد موجود محسدنيش لاني اتجوزت اجمل واحده فالعالم
لحد ما فى يوم..
– يا ست جميلة
= ايواااا
– والله وبقيتي تزعقي
= اتعلمت منك
– اتقي الله انا بزعق
= اه فالماتش
ضحكت – ايوا يا مركز
= المهم قول عشان جعانه خالص
– لا لا ناكل الاول
= لا قول
– كنت هقولك تيجي نسافر ونتفسح؟
= هاه اكيد!!!
– اتفقنا هاتي بوسة
= لاء
– هتديني
باستني على الهوا- جرا اية يا جميلة
= هو كدا
– الباب بيخبط
= اكيد الاكل هفتح
– لا استني هفتح انا
روحت افتح الباب ولقيت واحد شكله تقيل اوي = جميلة موجوده؟
يتبع..