مصطفى: دا علي اساس ان انتي اول ولا اخر واحده تحملي
شروق: مالك يا مصطفى طالع حامي عليا كدا ليه
مصطفى: مانزلتيش لامي ليه يا شروق
شروق: اااه قول كدا بقى
مصطفى: ايوا لازم اقول كدا لما اكون متجوز ولا كأني متجوز وامي لحد دلوقتي هي الا بتخدم نفسها
شروق: معلش لحظه كدا..يعني ايه بتخدم نفسها قصدك يعني ان انت متجوزني خدامه لها
مصطفى: انا مقولتش كدا بس دا واجبك وفرض عليكي ان انتي تخدميها
شروق: لا معلش هو مش واجب ومش فرض عليا دا حاجه ذوقيه مني وانا لما بكون كويسه مابتأخرش عنها في حاجه والمفروض لما اكون تعبانه تعذروني
مصطفى: نهاية الكلام بكره تنزلي لامي وتشوفي طلباتها ايه
(في الصباح نزلت شروق شقة حماتها)
شروق: صباح الخير يا ماما
حماتها: اهلا
شروق: محتاجه حاجه يا ماما اعملهالك
حماتها: لو محتاجه يعني هتعمليها ازاي وانتي تعبانه كدا