* عادى هى اول مره قولتها ببرود وبطلع ساندوتش أكله لقيت إلى سحبته منى بعصبية
– يا بارده ليكي عين تاكلى اجري على مكتب المدير ياكش يرفدك ونرتاح
سحبت الساندوتش من ايدها وقولت
* واهون عليكي اطرد وانا جعانه
– هو انتى على طول همك على بطنك ما بشوفكيش
بتشتغلى قد ما بتاكلى يله ادخلى دلوقتى ولينى قلبه بكلمتين ده شايط منك على الاخر وسحبته من ايدى لثاني مره
رفعت حاجبى على اساس مش هاممنى وانا من جوه هموت من الخوف ده هولاكو في نفسه كده
* خلاص دخلاله ما تزوقيش الله
بكل شجاعة دقيت على الباب وسمعته بيقول
-ادخل
فتحت الباب وقولت بمرح
*لو حلفتلك انى جايه بدرى وحد رخم إلى اخرني مش هتصدقني صح
– صح قالها برفع حاجب وعنيه بتطلع شرار ابتسمت ببلاهه وقولت
* أي الكسوف ده