ضيقت عيني بإستغراب اول مره يجيب سيرة اى حاجه عن عيلته جده هو الشخص الوحيد إلى قابلته منهم وباباه وامه متوفين وماعندوش أخوات غير البنت إلى شوفتها معاه يوم الفرح
*أول مره تجيب سيرته كنت فكراك ملكش قرايب خالص غير جدو حسن
– عندى عمي وعيلته هم فى مصر هنسافر بكره ليهم ان شاء الله اجهزى قالها بهدوء ومشى بهدوء اتنهد من طريقته ونمت من التعب
ثاني يوم الصبح كنا مجهزين كل حاجه والشنط جاهزه
-جاهزة
قالها بهدوء
* ايوه قولتها وبجر الشنطة ورايا لقيته وقف قدامي وسحب الشنطة منى ونزل ذوق اوى الواد الحليوه ده قولتها بعيون بتطلع قلوب ونزلت وراه
ركبنا العربية واتحركنا للقاهره بد وقت طويل سفر من إسكندرية للقاهرة وصلنا قصر كبير فتحت عينى بإنبهار لما شوفت البوابة بتتفتح والبواب
^نورت يابيه
ابتسمله بهدوء
– شكرا ياعم حسنين عمي جوه
^ ايوه يا بيه
دخلنا بهدوء بالعربية ووقف أمام الباب الداخلى للقصر نزلنا وضرب الجرس شويه وفتحت الخدامة الباب استقبلتنا بترحاب كبير ودخلتنا الصالون لحظات بسيطة ولقيت شخص خمسينى نازل من على السلالم بصيت عليه بصدمة
* ماهر الدمنهورى قولتها بصدمة وإلى فاجئني أكثر لما محمد قام ناحيته وفاتح ايديه يستقبله بالأحضان