وفاء_ انا زهقت من عيشه الفقر اللي انا.فيها
عايزه اشوف الدنيا بقي
اميره _ والشقه الصغيره دي هي اللي
هتجيب ليكي حاجه تحسسك انك غنيه
وفاء _ لا بس هاجر مكان اقعد فيه فتره عقبال
ما اشوف ناويه اعمل اي وبعدها نزلت
وشويه والجرس رن فتحت وكانو زمايلي
في الشغل ومديري هشام
هشام _ البقاء لله يا انسه اميره انا لسه عارف النهارده والله
اميره _ اتفضلوا يا جماعه ونعم بالله وبعدها
الكل دخل اقعد
هشام _طسب انتي مش محتاجه اي حاجه اعملها ليكي انا عارف انكم بنتين بس
اميره _ الحمد لله احنا عارفين نمشي
دنيتنا ربنا يخليك يا استاذ هشام
وفي الوقت ده الباب اتفتح وكانت
وفاء وغيرت الهدوم ولبست الوان
وكان معاها شنط
وفاء _ مساء الخير احنا عندنا ضيوف ولا اي
مالكم يا جماعه ساكتين ليه كده
صحيح أصحاب اميره المفروض تكونوا عاملين
ازاي ههههههه وبعدها دخلت وانا كنت مكسوفه
اوي من اللي بيحصل
هشام _ دي اختك وفاء مش كده
اميره _ ايوه هي بس معلش
من اللي حصل مش عارفه هي بتعمل
اي أصلها كانت بتحب بابا اوي وزعلانه عليه
هشام _ عالعموم أنا عملتك اجازه من الشغل
لو عوزتي اي حاجه كلمني، وبعدها مشيوا
وانا دخلت ليها
اميره _ ممكن افهم ايه اللي انت عملتيه ده وساي بابا يبقى رايح بقاله كام يوم بس وحضرتك تقلعي الاسود
وفاء _ بقولك ايه اخرجي من الباب ده واقفل الباب وراكي عقبال ما اشوف الهدوم والحاجات اللي انا جبتها
اميره _ ممكن افهم بقى انتي جبتي فلوس الحاجات دي منين انا عارفه ان انتي ما معكيش فلوس
وفاء _ من صديق عزيز وانتي مالك ما تخليكي
في حالك مش كل اللي يهمك ان مخدتش
منك فلوس وخلاص
اميره _ اسمعي يا وفاء انتي لازم تتغيري
لاحسن والله ما هتعرفي هعمل فيكي اي
وفاء _ اسمعي انتي الزمي حدودك معايا
وانا مش بحب الرغي انسني وطلعني من دماغك
وفي فيلا كوثر كان داخل منير وعامل يبص فيها
كوثر _ عجبتك الفيلا يا حبيبي انا هكتبلك الفيلا باسمك والشركه كمان وكل حاجه ما تعرفش انا فرحانه ازاي انك رجعتلي