اعترفلي انه كان خط. فك لكن مقاليش عنوان اهلك ولاةمين للي قاله يعمل كده ويعلم ربنا اني لو كان عندي بنت ما كنت هحبها زي ما بحبك كده
ساره اتأثرت ب حالة سمر وحست بالصدق في كلامها
سمر_وانا مصدقاكي يا ست سمر وانا بشكرك انك خليتي بالك من بنتي وربيتيها كانك امها واكتر
سمر قلبها دق بخوف وعرفت خلاص انهم كده هياخدوا ديلارا منها ديلارا حست بيها وبخوفها هي مهما كان حتى لو هي مش امها الحقيقيه ف دي الست للي ربتها وعاملتها اكتر من بنتها وكانت معاها في كل مراحل حياتها وكانت ليها الام والاب وكانت بتدافع عنها لما سلامه كان بيضربها
فاروق_انا متشكر ليكي للمره التانيه يا مدام سمر وده شيك في مبلغ بسيط مجرد شكر على انك خليتي بالك من ديلارا ياللا يا ديلارا
ديلارا وهي بتمسح دموعها_انا متأسفه يا بابا انا مش هقدر اجي معاكوا
كيارا_ديلارا انتي بتقولي اي
ديلارا_انا دايما هكون موجودة معاكوا لكن مش هقدر اسيب امي هي اه مش امي الحقيقيه لكن مش هقدر اسيبها لوحدها
ساره_وانا كمان مش هقدر ابعد عنك بعد ما لاقيتك ض خلاص انا عندي فكره الست سمر تيجي تعيش معانا
سمر_انا اسفه بس والله مش هقدر اسيب بيتي وحتتي