ساره اخدتها في حضنها والاتنين قعدوا يعيطوا
فاروق بيحرك ايده على كتف ساره
فاروق_ابعدي عن البنت بقا يا ساره عشان تاخد نفسها واسلم عليها انا كمان هي مش بنتي زي ما هي بنتك
ساره وهي بتبعد عن ديلارا وبتمسح دموعها
ساره_اعمل اي يافاروق هي غايبه عني سنه واللا اتنين دول 14سنه
فاروق قرب من ديلارا واخدها في حضنه وسلم عليها وقعدوا كلهم في الصالون
فاروق_احكيلي بقا يا ديلارا انتي كنتي مختفيه فين المده دي كلها وازاي مرجعتيش لينا وازاي اتقابلتي انتي وكيارا
ديلارا وكيارا حكوا كل للي حصل ل فاروق وساره من اول ما اتقابلوا في الكافيه والعجوزه وازاي قدروا يرجعوا من تاني
فاروق باصص للارض وهو مكسوف ومدايق من نفسه عشان هو السبب في كل للي حصل لبناته
ساره مسكت ايده كنوع من انواع الدعم
ديلارا_بابا انا عارفه ان حضرتك مدايق من كل للي حصل لكن صدقني ده قدر ومكتوب
فاروق_ونعم بالله
ساره_احنا لازم نروح بيت الست للي خط. فت ديلارا ولازم اعرف هي ليه عملت كده