رقيه: مانا برضو عايزه افهم انت اتجوزتني ليوم واحد بس ليه مش عايز تسبني لحد دلوقتي.
سليم بتنهيده: هقولك في الوقت المناسب ي رقيه. بس اللي عايزك تعرفيه انك مهمه بالنسبالي.
سليم قرب منها وضمها لحضنه. وهي فضلت تزق في بعصبيه.
سليم بارهاق: انا بجد تعبان ي رقيه وعايز انام والحقيقه اني اتعودت انام في حضنك. تعرفي اليومين اللي فاته مكنتش بعرف انام.
رقيه: ليه ي سليم اذتني بالشكل ده.
سليم: علشان غبي ومفكرتش قبل ما اعمل كده بس كنت عايز احافظ عليكي خوفت تتاذي ي رقيه.
رقيه: بس برضو ميدكش الحق في اللي عاملته. مش هقدر اسمحك ابدا ي سليم.
سليم دموعه نزلت. رقيه حست بيها رفعت وشه.
رقيه: سليم انت بتعيط.
سليم بوجع: ارجوكي متسبنيش ي رقيه خليكي معايا.
رقيه علشان تهديه. هزت دماغها بانها موافقه تفضل معاه وهو ضمها ليه بقوه وتملك.
رقيه: سليم في اي بينك انت وريهام.
سليم باستغراب: ريهام مين
رقيه بغيظ: ريهام السكرتيره ي سليم
سليم: اه يعني مش فاهم اي اللي هيكون بيني وبينها.
رقيه: والله انت اللي تعرف مش انا.
سليم: هي قالتلك اي
رقيه: قالتلي ان كان في بينكم قص حب.
سليم بضحك: قصة حب انا وريهام احلفي كده.
رقيه: سليم انا مبهزرش
سليم: احم بصي ي رقيه انا هكون صريح معاكي هو مفيش حب ولا حاجه بس يعني انا وهي كنا علي علاقه ببعض.يعني زيها زي العاهرات بالنسبالي.
رقيه بعدته عنها: انت بجد انسان مقرف ي سليم انا مستحيل اوثق فيك ابدا.
سليم: رقيه انا كنت صريح معاكي قولتلك الحقيقه احسن ما اكدب عليكي. رقيه انا عندي علاقات كتيره من النوع ده بس بطلت صدقيني.
رقيه بتريقه: اصدقك ازاي واللي حصل النهارده في المكتب
سليم بخبث: انتي بتغيري ولا اي
رقيه بارتباك: وانا هغير ليه اصلا.. انا عايزه انام.
سليم: وانا برضو عايز انام .. قال كده وشدها لحضنه تاني.
تاني يوم عند يزن وتسنيم.