سليم ابتسم وقال : الاسم ال كنا متفقين عليه
غصون هزت راسها بهدوء وقالت : كنت عايزه اطلب منك طلب أخير
سليم بشك : ليه بتقولى اخير
غصون مسحت دموعها وقالت بثبات : عشان هيكون اخر طلب فعلا ياسليم
سليم بتوتر : فى ايه ياغصون بلاش الألغاز دي
غصون غمضت عيونها وقالت : طلقنى ياسليم
سليم بصدمه : نعمممم !!!!!
غصون مسحت دموعها وقالت : طلقنى ياسليم
سليم بصدمه : نعممم !!!
غصون حاولت تتظاهر الجمود وقالت : بقولك طلقنى وياريت بهدوء ومن غير شوشره ودخول محاكم
سليم بحزن : انتي كمان ناويه تدخلى المحاكم بينا للدرجه دي كرهتيني
غصون بسخريه : مكنتش بحب فى حياتى قدك
سليم : ليه عايزه تحرميني من بنتي ليه عايزه تعملى فيا كده
غصون اتكلمت بانفعال وكإن كل طاقتها انفجرت : انا برضوا ال هعمل فيك كده وال انت عملته كان قليل صح بنتك ال انت بتتكلم عنها دي انت مهتمتش تشوفها طول السنه ال فاتت حتي لما اتولدت كلمتك عشان تلحقني وتكون جمبى بس انت كنت فين سبتني فى اكتر وقت احتاجتك فيه عشان نفسك متجيش دلوقتي تلومني على حاجه انت السبب فيها
قالت كلامها وكانت منهاره من العياط والصغيره كانت بتبكي بصوت عالى على عياط امها
سليم دخلها الأوضه وحاول يهديها لحد لما نامت وخرج تاني لغصون ال كانت تبكي بدون توقف
قعد قدامها وقال برجاء : عشان خاطرى انسى كل ال فات خلينا نبدأ من جديد عايزين نربى بنتنا فى هدوء وتكون سويه نفسيا غصون فكرى عشان البنت مش عشانى