مصطفى وملك رجعوا البيت وفضل يدور على منار ملقهاش
مصطفى : ملقتهاش
ملك بسخريه : هربت بعد عملتها
مصطفى بتنهيده : انا تعبت والله
ملك صعب عليها مصطفى بس حاولت متبينش
مصطفى برجاء : ملك هو ممكن تسامحيني
ملك : انا مش عايزه حد يشاركني فيك
مصطفى : وانا عندي استعداد اطلق منار دلوقتي حالا بس تسامحيني
ملك كانت لسه هترد بس تلفونها رن برقم والدها
ملك : ألو يابابا
راشد : رنا جت عندك
ملك باستغراب : لاء هى مش عندك ؟
راشد بحزن : رنا سابت البيت ومشيت
ملك بصدمه : اييييه !!!!
يتبع..
مصطفى : مالك ياملك فى ايه
ملك بدموع : رنا سابت البيت ومشيت انا خايفه عليها اووى
مصطفى : طب اهدي وانا هروح ادور عليها
ملك : هي لما بتزعل بتروح عند قبر ماما علطول
مصطفى : خلاص هروح اشوفها متقلقيش
ملك بدموع : هاجى معاك
مصطفى : لاء عشان انتي تعبانه
ملك : لاء مش هسيبك يلا
خرجوا مع بعض وركبوا العربيه وطلعوا على المقابر
🌹🌹🌹🌹🌹🌹🌹🌹🌹🌹🌹🌹🌹استغفروا
منار بصراخ : مش هسيبك ياكارم والله العظيم ماهسيبك
كارم بسخريه : يلا ياشاطره روحي العبى بعيد
قال كلمته وزقها وقفل الباب وهي اتوعدت ليه وطلعت على بيت امها
كريمه : ايه ال جابك
منار بخوف : انا خليت مرات مصطفى تسقط البيبي وهربت ولو مصطفى شافني تاني هيموتني
كريمه ضربتها قلم شديد على وشها وقالت بغضب : وليكى عين تيجي هنا واحده زيك تروح تدفن نفسها ده بدل ما تروحي تشكرى مصطفى أن هو اتستر عليكي راحه تمو”تي ابنه يابجاحتك ياشيخه حسبي الله ونعم الوكيل فيكي يابنتي منك لله
منار قعدت على الارض وقالت بدموع : ياماما والله انا اسفه سامحيني