عيسي بغضب: زينة صوتك وبعدين دا واجبك وفاضلك تكة معايا بجد
زينة بضيق: لأ مش واجبي إن أساعدك تلبس إنت مش البزازة في بوقك ما ناقص أحميك بالمره دا إيه المرار الطا”فح دا
عيسي قرب منها بعصبية وقال: هتسمعي الكلام وإلا
قاطعتو زينة: بااااااس الإسطوانة المشر”وخة اللي دايما بتسمعهالي خلاص
راحت ناحية السرير وجابت جاكيت البدلة وراحت علشان تلبسهولو
عيسي رجع لورا بإستفزاز: هتلبسيني الجاكيت من غير ما تقفليلي زراير القميص؟
نفخت بضيق وقالت بهمس: اللهم طولك يا روح
حطت الجاكيت علي كتفها وبدأت تقفلو الزراير وهي باصة في الأرض
عيسي كان متابعها بإستمتاع لإنو بيحب يشوفها مرهقه وتعبانه قصادو بسببه
خلصت ولسه كانت هتطلع مسك إيديها وقربها منه وقال: ما لسه بدري المفروض متطلعيش ألا معايا
بصتله بقرف وقالت: ليه كنت سيادة الرئيس وأنا معرفش وبعدين وسع إيدك دي خليني أنزل
بص عيسي في عيونها بخبث وقرب منها علي أساس إنو هيبو”سها بس فاجأة…
بص عيسي في عيونها بخبث وقرب منها علي أساس إنو هيبو”سها بس فاجأة همس جمب ودنها: أحسن من سيادة الرئيس
خبط علي خدها بخفة وقال: كنتي فاكراني هبو”سك ؟، قولتلك أنا بكر”هك وعمري ما أفكر فيكي فَــ متحلميش
بصتلو بقرف من فوق لتحت وكانت لسه هتطلع الباب إتفتح ودخلت أم عيسي
أم عيسي بإستغراب: إيه دا ! مالكم قريبين من بعض أوي كدة ليه؟
زينة إستوعب منظرهم وبعدت وهو فضل واقف ببرود
زينة بتوتر: أن..أنا ك..كنت بساعدو في اللبس و..
أم عيسي بضحك: بس بس إهدي خلاص
عيسي ببرود: خير يا أمي
أم عيسي: يلا يا عيسي هنتأخر
بصت علي زينة وقالت: مش هتلبسي يا زينة ؟
زينة بصتلهم بعدم فهم، عيسي رد قبلها وقال: مش من مقام الحفلات دي يا ماما وإنتي عارفة
زينة كانت هتطلع من باب الأوضة وتمشي وقفتها إيد مرات عمها وقالت: لو مجاتش زينة أنا مش رايحة معاك في حتة وروح حفلة صاحبك لوحدك
عيسي بضيق: مش صاحبي دا مامتُه اللي رنت عليكي وعزمتك ووصتك تيجي!
أم عيسي ببرود: اللي عندي قولتلو
نفخ بضيق وقال لزينة: خمس دقايق وتنجزي
” بعد نص ساعة “
عيسي بزعيق: إحنا لو مستنيين الأميرة ديانا كانت زمانها خلصت من بدري
أم عيسي ببرود: دي بنت ومن حقها تجهز براحتها
عيسي بصدمة: أمي أنا اللي إبنك مش هي !
أم عيسي بإبتسامة: وهي بنتي اللي مخلفتهاش
– أنا جهزت
لف وبص ليها من فوق لتحت ببرود وقال: كل دا !
تجاهلتو وقالت لأم عيسي: مش يلا يا مرات عمي
قرب منها بعصبية وهي واقفة بثبات إنفعالي وقال: أنا مبكر”هش في حياتي قد التجاهل ولما أكلمك تردي عليا
ردت برفعة حاجب: وإنت كنت إتكلمت ومردتش وبطل تلكيك بقا علشان بقا أوڤر
سحبت إيد أم عيسي وطلعت وهو طلع وراهم وهو هيطق من كتر الغيظ بسببها
بعد شوية كانو وصلو قدام الفندق اللي معمول فيه الحفلة كانت زينة ماشيه جمب مرات عمها من ناحية وعيسي من ناحية
أول ما دخلو قرب واحد وسلم علي عيسي وقال: هو الواحد علشان يحب يشوفك يعمل مناسبه ولا مصيبه علشان تيجي!
عيسي بضحك: مش فاضي أعملك إيه يعني ؟
بص الشاب لأم عيسي وقال: إزيك يا طنط
أم عيسي بإبتسامة: أهلًا يا مازن
مازن بص لزينة وقال بإبتسامة وهو بيمد إيده علشان تسلم: أهلًا مودموزيل
مدت إيديها وقالت بإبتسامة: أهلًا بيك
إنحني وباس إيديها وقال: دايمًا بقدر جمال المرأه
عيسي كان بيبصلهم ببرود وأم عيسي كانت بصاله بصدمة
سحب عيسي مازن من دراعو ودخل لجوا وسحبت أم عيسي زينة ودخلت لجوا
كانت فيه واحدة ست أول ما شافتهم قامت وحضنت أم عيسي بسعادة وقالت: أهلًا بيكي الحفلة نورت خالص والله
أم عيسي بإبتسامة: منورة بصحابها يا فريدة
قربت فريدة من زينة وقالت بإبتسامة: إنتي مرات عيسي ؟
زينة بصدمة: إيه لأ طبعًا أنا أبقا مراتو يووه قصدي أنا بنت عمو
ضحكت فريدة وبصت لأم عيسي وقالت: ما عروسة زي القمر أهي يا نيهال إبنك أعزب لحد دلوقتي ليه ؟
نيهال ” أم عيسي “: اللي فيه الخير يقدمو ربنا يا فريدة
فريدة سحبت إيد نيهال وزينة وقعدت علي ترابيزة
بعد شوية إشتغلت أغنية رومانسيه هاديه
قرب واحد من زينة وقال: سينيوريتا تسمحيلي بالرقصة دي
زينة بصت لنيهال لاقتها بتقولها: أنا مش عارفة بصراحة حابه تقومي ترقصي قومي
بصت علي عيسي لاقتو بيرقص مع واحدة
مدت إيديها وقامت رقصت معاه
إتكلم الشاب وقال: إسمك إيه ولا أناديلك بِــ سينيوريتا ؟
إبتسمت وقالت: زينة
لفها ورجعها ليه تاني وقال: زينة البنات، أنا إسمي أمير
زينة بمرح: أمير الأُمراء
ضحك وهي كمان ضحكت
عيسي كان متابعهم ببرود أو كان بيتظاهر بالبرود، لما شافهم بيضحكو قرب منهم بعصبية و…
عيسي كان متابعهم ببرود أو كان بيتظاهر بالبرود، لما شافهم بيضحكو قرب منهم بعصبية وشد زينة ورقص معاها والبنت اللي كانت بترقص معاه رقصت مع أمير
عيسي بعصبية خفيفة: إيه اللي قومك من مكانك ؟
زينة ببرود: برقص مع أمير
ضغط علي وسطها اللي ضامو جامد وقال: مش سبب علشان تقومي من مكانك مين سمحلك ترقصي!
زينة بألم: زي ما إنت رقصت أنا رقصت
عيسي ببرود: وإنتي مالك ارقص مرقصش ميخصكيش
زينة بنفس البرود: وإنت مالك أرقص مرقصش ميخصكش
عيسي بعصبية: لأ يخصني لإنك مراتي!
زينة ببرود: ويخصني لإنك جوزي
بصلها بعصبية وقال: بطلي تردي الكلمة بعشرة
زينة بتريقة: نينينيني وإنت بطل تقفلي علي الواحدة أنا مش واكلة ورث أبوك يعني !
شد إيديها جامد ومشاها وراه بعصبية وراح ناحية الترابيزة اللي قاعده فيها نيهال وفريدة
قرب منهم وقال: يلا يا أمي
نيهال بإستغراب: ليه يا حبيبي ما لسه بدري
ضغط علي إيد زينة جامد وقال: يلا
زينة بألم: أه هو انا اللي قولتلك هنتنيل نقعد إيدي يعم
بصلها بغضب وقال: إسكتي
قامت نيهال وقفت وفريدة
قالت فريدة: لسه بدري يا عيسي ما تقعدو شوية
عيسي بحجة: معلش تتعوض يا فريدة هانم عن إذنك
زينة وهي طالعه بصت علي أمير لاقتو مبتسم وبيغمزلها
إبتسمت بكسوف وبصت علي عيسي لاقته بيبصلها وبيبصله بغضب واضح
طلع بيهم من الفندق وهو مازال ماسك إيد زينة وضاعط عليها جامد
ركبهم العربية وخلع الجاكيت ورماه علي الكرسي وقال وهو بيتني كُم القميص: إستنوني هنا محدش ينزل من العربية
سابهم ودخل الفندق
بعد شوية قرب من العربية وهو بيحرك رقبته يمين وشمال
ركب العربية وأخد نفس عميق وشغل العربية
نيهال بإستغراب: كنت فين يا عيسي وطلعتنا ليه لما دخلت جوا تاني
بص عيسي بغضب علي زينة في المراية: كنت بخلص واجب جوا
” بعد نص ساعه ”
دخلو الڤيلا وعيسي حرفيًا مش طا”يق زينة
قال بهدوء ما قبل العاصفة: إعمليلي قهوة
قالت وهي بتشاور علي السلم: طب هطلع أغير هدومي وأع
قبل ما تكمل كلامها قلم نزل علي وشها منو وشدها من شعرها وقال: أنا مبحبش الحال المايل إنتي تظبطي كدة واللي قولتو يمشي إنتي فاهمة ولا لأ
كانت حاطه إيديها علي خدها مكان ما ضرب وبصاله بصدمة ودموعها بتنزل، لإنها مغلطتش في حاجة
مسكت أطراف الفستان وجريت علي فوق
كان عيسي هيطلع وراها بس أمه مسكتو من إيده وقالت: بس بقا أنا زهقت منك ومن تصرفاتك البت من ساعة ما جات مبتشوفش منك غير ذ”ل وقر”ف وبس ومعملتش حاجة لدا كله وأنا اللي بجد هشوفلها شقة بعيدة عن هنا لإن تصرفاتك مبقتش تتطا”ق بجد
سابت إيده بعصبية وطلعت علي فوق وهو وقف حط إيده علي شعره وهو بيلـ”ـعن غبائه علي اللي عمله
طلع وراها وراح أوضتها لقاها بتلم هدومها في شنطة وهي بتعيط
قرب منها وقال ببرود: مش قلم اللي يخليكي تلمي هدومك وتمشي يا حرمي المصون
كانت متجاهلاه وبتكمل في لم هدومها
عيسي بتنهيدة: خلاص بلاش أڤورة
قفلت سوستة الشنطة وخدتها وكانت هتطلع من الأوضة مسك إيديها وقال: أسف
شدت إيديها من إيده ونزلت، نزل وراها ومسك إيديها وهي علي السلم وقال: أسف قولتلك أسف
مسك الشنطة منها وكان هيشدها لفوق
شدت الشنطة من إيده وقالت بعصبية: سيبني بقا عايزه أغو”ر في داهـ”ـية
نزلت علي السلالم بعصبية وهو مش عارف يعمل معاها إيه
قبل ما تطلع من باب الڤيلا هيدخل حد ويقول: متخافيش يا زينة هاخدك يا حبيبتي تعيشي معايا وللأبد كمان
زينة بصدمة:
زينة بصدمة: عمتو
ناهد بإبتسامة: أه عمتو يا قلب عمتو جيت أخدك يا حبيبتي من جحـ”ـيم إبن عمك
عيسي نزل ببرود وقال: أهلًا أهلًا ناهد هانم خير مشرفانا ليه ؟
ناهد بخبث: جيت أخد بنت أخويا يا عيسي ولا مش من حقي دي وصية أخويا
عيسي ببرود: عندك دليل ؟
ناهد بتوتر بس بثبات إنفعالي: أه معايا
طلعت ورقة وإدتها لعيسي
عيسي مسك الورقة وقرأ بصوت عالي مليان سخرية
” ناهد أختي حبيبتي، لما أمو”ت بنتي أمانة في رقبتك وبلاش توديها عند عيسي وأمه لإنهم هيأذوها جامد، مش هآمن علي بنتي زينة غير معاكي يا ناهد يا أختي، أخوكي رضوان “
نتشت زينة الورقة من عيسي وقرأتها وقالت: دا كدب دا مش خط بابا إنتي كدابة
ناهد بإبتسامة: لأ مش كدابة وهاخدك معايا قولت
جات تشد إيد زينة علشان تمشي، زينة إستخبت في عيسي وقالت بخو”ف: مش همشي معاكي لأ مش همشي
عيسي بجمود: ناهد إنتي لو ممشتيش من هنا أنا هطلعك علي نقالة
ناهد بصت لبرا وهزت راسها
دخل إتنين بودي جارد بيمسكو زينة
زينة بعياط: مش همشي معاكم أنا هقعد مع عيسي ومرات عمي سيبوني، إلحقني يا عيسي
عيسي كان واقف بجمود بس مستحملش دموعها وتوسلاتها ليه، طلع المسد”س وضرب طلـ”ـقة في دراع واحد منهم وشد زينة ورا ضهره وقال: لو ممشتيش من هنا الطـ”ـلقة التانيه هتكون في راسك
رجعت لورا بخوف وقالت: مش هسكت وهاخدها برضوا يا عيسي ولو مش دلوقتي هيكون بعدين
مشيت من الفيلا وهو حط المسد”س في البنطلون ولف لزينة اللي كانت ماسكه في القميص من ورا وبتترعش من العياط، حط إيده علي كتفها وقال: ممكن تهدي وتبطلي عياط! محدش هيقربلك طول ما إنتي موجودة هنا في وسطينا
بصتله وقالت: حتي إنت كمان مش بتطيقني، إنت ك عيسي مش بتطيقني أساسًا
عيسي بص لأمه اللي نزلت علي صوت المسد”س وقالها: روحي إرتاحي إنتي يا حبيبتي ومتشغليش بالك
بصت نيهال علي زينة بقلق وطلعت وتهاني راحت أوضتها
عيسي إتنهد وشد إيديها ودخل المكتب وقعدها علي الكنبة
أخد نفس عميق وقال: إنتي مش عدو”تي العدا”وة كانت بسبب أبوكي وأهو ما”ت
زينة بتكملة: واللي كان السبب ناهد يبقا متقولش أبويا
عيسي بعصبية: متنكريش إن أبوكي شارك
زينة بدموع: هو إنت مينفعش تتكلم بهدوء أبدًا كفاية عصبية بقا أنا مش هسكتلك علي الإقلام اللي إنت عمال تديهالي دي وشعري اللي طلعتو في إيدك
عيسي بتهدئة: بصي علشان منبقاش زي القط والفار كدة لإن إنتي عندية وأنا مش بحب العِند
زينة بإبتسامة واسعة: عليك نور يبقا أمشي من البيت
عيسي بإبتسامة: نبقا متفاهمين قولتلك قبل كدة هكسر”لك رجلك لو فكرتي تطلعي
زينة بإرهاق: والمفروض دلوقتي ؟
عيسي ببساطة: نبقا متفاهمين
زينة بجمود: بس أنا مش عايزة أتعامل معاك تاني أنا قر”فت وزهقت
عيسي ببرود: براحتك أنا مش همو”ت عليكي يعني التفاهم دا علشان منفضلش دايمًا في خناق لكن أنا بكر”هك أصلًا
بصتلو بسخرية وطلعت من المكتب أخدت شنطتها اللي موجودة قُرب الباب وطلعت الأوضة التاني
قعدت علي السرير وقالت بدموع: بكر”هك يا عيسي بكر”هك
” بعد إسبوع ”
نيهال وزينة وعيسي قاعدين علي سُفرة الأكل
نيهال بتساؤل: إنتي موركيش كلية يا زينة ؟
زينة بإبتسامة: مخلصة يا مرات عمي قبل مو”ت بابا بإسبوع
نيهال: كنتي كلية إيه ؟
زينة بإبتسامة: حقوق
نيهال بزعل: ومشتغلتيش ليه ؟
زينة: ملحقتش جه موضوع مو”ت بابا وملحقتش أعمل حاجة
نيهال قبل ما ترد باب الفيلا هيخبط
هتفتح تهاني الباب هتلاقي البوليس واقف
الظابط بجدية: دا منزل عيسي علام الشامي ؟
تهاني بخوف: أيوا يا بيه فيه حاجة
الظابط وسعها من طريقو ودخل ومعاه إتنين عساكر
دخل لعيسي اللي وقف هو وزينة ونيهال
الظابط ببرود: إنت عيسي علام الشامي ؟
عيسي ببرود: أيوا
الظابط:
الظابط ببرود: مطلوب القبض عليك وتفتيش البيت
عيسي ببرود: ما هو يا تفتشو البيت يا تاخدوني إنما الإتنين صعبة شوية
الظابط بصرامة: إنت هتهزر ولا إيه ؟
نيهال بقلق: طب أفهم بس إنتم عايزين تاخدوه ليه ؟
الظابط ببرود: مُتهم بقضية خطـ”ـف بنت إسمها زينة
زينة ضحكت بصوت عالي وقالت: طب معاك صورة لزينة دي ؟
الظابط ببرود: لأ بس معايا أوامر القبض علي عيسي وناخد زينة علشان أهلها ييجو ياخدوها
عيسي ببرود: القضية با”طلة لإن زينة شخصيًا واقفة قصادك أهي
الظابط بص للبيت وقال: هنفتش البيت
عيسي بضحك: يا باشا إنت مش مصدق ليه إن اللي واقفة قُصادك دي زينة! وبعدين هو فيه حد يخـ”ـطف بنت عمو ومراتو ؟
نيهال بصدمة وبصوت همس: مراتو!!
الظابط ببرود: معاك دليل ؟
عيسي دخل أوضة المكتب وطلع وفي إيده قسيمة جوازو هو وزينة
مد إيده للظابط وقال: قسيمة الجواز أهيه
زينة طلعت أوضتها ونزلت تاني ومدت إيديها للظابط وقالت: وأدي بطاقتي أهيه نفس الخلقة والسحنة اللي في البطاقة واقفة قُصادك أهو
الظابط كان ماسك البطاقة وقسيمة الجواز وعمال يبصلهم كل شوية
مد إيدة لعيسي بالحاجة وقال: تمام إحنا أسفين علي الإزعاج
عيسي بإبتسامة: ولا إزعاج ولا حاجة دا إنتو جيتو في وقت فطار ما تتفضلو معانا
الظابط بإبتسامة: نستأذن إحنا بقا
الظابط مشي وعيسي قعد علي الكُرسي ببرود
نيهال قعدت جمبو وقالت: ممكن أفهم زينة مراتك إزاي والكلام دا من غير علمي إزاي برضوا