جه من وراها وقال: حبيبتي سرحانة في إيه؟
فريده: فيك، بجد بشكرك على معاملتك الحلوة واللطيفة لأمي
خبطها في كتفها براحة وقال: دي أمي يا فريده، ودا واجبي تجاهها من يوم ما دخلت بيتكم وهى بقت أمي
فريده بدموع: ربنا يحفظك لينا
خالد: ويحفظك لينا يا حبيبتي، أنتِ عوضتيني عن فقدان عيلتي، قدمتيلي الحنان والحب
فريده: ربنا جعلنا في طريق بعض عشان نعوض بعض، عوض ربنا جميل أوي، ودا اللي كنت واثقة منه إن ربنا هيعوضني أجمل عوض هينسيني كل اللي شوفته زمان وابتسملها بيأكد على كلامها