سناء غمزت ليها: ي شيخه معنتيش بتحبي برضو
مياده بصت ليها: ايوه ولا هتكلم معاه تاني
سناء اتنهدت ومسحت دمو.عها: المهم امسحي دمو.عك وتعالي اقولك علي خبر حلو اشرف لسه مكلمني (وكملت بحماس) وهيجي هو وباباه النهارده يتكلمو مع بابا عشان يخلو كتب الكتاب والفرح اخر الشهر دا
مياده نسيت زعلها وانها كانت لسه بتعيط: بجد
سناء ببتسامه: ايوه والله
مياده بفرحه كبيره: هتبقي احلي عروسه في الدنيا ولولو…
سناء بسرعه: هوووششش يخربيتك لسه محدش يعرف اسكتي
دخلت عليهم خديجه: مالكوا بتزغرطوا ليه فرحوني معاكو
سناء: لا مفيش حاجه
مياده: مفيش حاجه ي خديجه
خديجه ابتسمت ابتسامه صفره : اممم طب تمام باي
واول ما مشيت سناء بصت لمياده: انا همو.ت واعرف ازاي دي اختك واخت فارس ولا تشبهكو في اي حاجه
مياده اتنهدت وكملت بسعاده :المهم اني مبسوطه ليكي اوي ربنا يفرحك يارب
وحضنو بعض بحب سناء كملت: وربنا يسعدك ويريح قلبك