وانا كنت قاعده في البدروم علي الارض وكنت خايفه اوي وعبايه سمرا وعامله تعيط وقولت
ايمان _ هو انتي ليه يا حماتي مش راضيه
تصدقي ان والله ما فيه حاجه بيني وبين اخو
عتمان
الحما _والكلام اللي شوفته بعيني علشان
كده مش عايزه تخلفي من ابني علشان عينك من اخو
ايمان_والله انا ما ليا دعوه ب اخو ده هو
اللي جالي المستشفي لما كنت واقعه علي رجلي
الحما _خليكي بقي في الأوضه دي مش هتشوفي الشمس بعينك تاني لحد ما تعرفي
تقدري الراجل اللي انتي متجوزا
وقبل ما نبدا الحكايه اعرفكم بنفسي انا ايمان
كان عندي 17سنه من اسره فقيره جدا وليا ٦ اخوات وفي يوم دخلت عليا ماما وقالت
الام _قومي يا ايمان انتي لسه نايمه ده انتي جالك السعد والهنا كله قومي يا بنت بكره
تبقي عروسه، وبعدها أنا صحيت من النوم
واقعد علي السرير وقولت
ايمان _مش فاهمه كلامك يا ماما عروسه ايه
الام _قومي يا نن عين امك يعني هيكون
ليكي شقه لوحدك ومحدش يقدر
يقولك حاجه من هنا ورايح
ايمان _معقول وهيكون ليا سرير لوحدي
الام _اه يا حبيبتي قومي بس يلا بقى علشان تعملي شاي لعريسك علشان قاعد مع ابوكي بره، وبعدها خرجت ولقيت راجل كبير عندة 40سنه كان لابس جلابيه وكان قاعد ما بابا وبيقول
عتمان _تسع شهور لو بنتك ما جابتش الواد اللي انا عايزه هطلقهالك اه
الاب _عيب يا بيه لما تقول الكلام ده ده هتكون
زي امها ولاده متخافش وبعدها دخلت بالصنيه
وكان جسمي عامل يترعش وبابا قالي