بصلها بغضب شديد واتكلم بعصبية مفرطة
– هششش مش عايز اسمع منك اى حاجه و وشك دا يا ريت مشفهوش تانى واوعى تكونى مفكرة انى مقولتلوش عشان خايف عليكى لا يا بنت عمى انا اللى خلانى اسكت هو انى عارف انه مش هيقدر يستحمل صدمة زى دى عمى هو اللى سكتنى مش انتى انا بجد بقرف منك
سابها وخرج من الڤيلا بكيت بشدة على حالها وكل اللى بيحصل حسيت بذنب كبير مسكت فونها و رنيت على محمود
مى بحزن
– الو محمود انا محتاجك اوى انا تعبانة اوى
محمود ببرود
– مش وقته يا مى هبقى اكلمك بعدين دلوقتي مشغول وقفل الخط
قعدت على الكرسى وبكيت بشدة واتكلمت بشهقات
– مشغول فى ايه دلوقتي دا الساعة تالتة الفجر
طلعت اوضتها وهى حاسة انه هيغمى عليها من كثرة البكاء
فضل يلف بالعربية لحد اما لاقى نفسه بيقف قدام شقته هو ديما بيهرب من العالم وبيروح هناك يعقد مع نفسه من حزنه الشديد نسى أن ياسمين هناك
« فى منزل زين »
كانت قاعدة فى المطبخ وطافية النور
ياسمين وهى بتاكل خبطت بأيدها على دماغها
– نسيت اسأله عن اسمه ينهار ابيض عليكى يا ياسمين وكملت بتوهان بس قمور اوى وطيوب اوى و وسيم اوى وشخصيته جميلة وحنين يختاااى استغفر الله العظيم يا ترى بابا هيعمل ايه أما يعرف استرها معايا يا رب دا انا عبيطة