ياسمين مسكت ايده بحب واتكلمت بدموع : انا مش زعلانة منك انا زعلانة من نفسى زعلانة عشان انا مش مناسبة محدش من عيلتك شايفنى لايقة بيك
زين مسح دموعها بحب وحضنها : هشش انا شايفك اجمل واحسن واحدة
ياسمين: بجد يا زين
زين : بجد يا عيون زين
فرحت جدا بالكلمة طلعت من حضنه بخجل شديد ابتسم على خجلها اللى بقى بيعشقه
هربت من نظراته وهى بتبعد عنه فضلت ماشية فى اليخت لحد اما وصلت لطرفه
ياسمين بحماس : بس بجد جميل اوى انا مكنتش بشوفه غير فى الافلام اول مرة اشوفه على الحقيقة
فضلت تبتسم بطفولة وزين بيبتسم على ابتسامتها وهو سرحان فيها بحب كبير اتحركت ياسمين بطفولة و وقعت فى المياه بصلها زين بخوف شديد جرى و نزل فى المياه مسكها من خصر..ها بخوف وهى كانت خايفة جدا مسكت فى هدومه بشدة وبخوف
زين بحنية مفرطة: متخافيش انا معاكى
بدأت تهدى شوية بصلها فى عينيها بحب واتكلم بحنية
: انتى كويسة
هزيت راسها بخجل
زين : تيجى نطلع
لاقيت نفسها بتحضنه بحب واتكلمت بهمس
: انا مرتاحة كدا