ياسمين: بس انتى غريبة اوى
شذى : ليه
ياسمين: مزعلتيش شبه عمتك أن زين اتجوزنى وساب بنت عمك
شذى : انا عارفه ان مى عمرها ما حبيت زين عشان كدا مزعلتش بس انا كنت زعلانة عشان أبيه بس اما شوفتك الصراحة حسيتك بريئة اوى انتى بتحبيه وهتخليه مبسوط صح
ياسمين بخجل : باذن الله
شذى : اشطا بصى دول هدوم على ذوقى يا رب يعجبك ولو احتاجتى اى حاجه قولى شذى بس هتلاقينى موجودة اشطا
ياسمين: اشطا
شذى : دا صوت عربية ابيه اسيبك انا بقى كملت بغمزة عشان مبقاش عزول
ياسمين بضحك : مش بقولك عسل
شذى : دا انت اللى عسل يا عسل زين فتح الباب
زين : اكيد وجعتلك دماغك صح عارفها مش بتبطل رغى
شذى وهى بتتصنع الزعل : كدا يا ابيه طب تمام
ياسمين: مش قصده بيهزر معاكى اكيد كملت وهى بتبص لزين اللى تاه فيها هى لطيفة اوى وانا ارتاحت معاها فى الكلام جدا
شذى وهى بتحضنها: والله انتى اللى قمر يلا عن اذنكوا