.استغربت من محتوى رسالته وفطرت ونضفت وروقت شقتي ونزلت عند مرات عمي…
.خبطت ع الباب فتحلي سلفي الصغير سالته فين مرات عمي
قللي انها لسه نايمه دخلت المطبخ وحطيت القهوه ع نار مافيش دقيقه كانت مرات عمي قدام وشي…
ام احمد: بتهببي ايه هنا يابت
مني….. بعمل لحضرتك قهوتك.
.احمد قال لي انك بتحبي تشربي قهوه الصبح
ام احمد…قهوه !!!!!😤😤
وحطيتي اي ف القهوه ايه يا بت …عاوزه تسحريني زي ما سحرتي ابني فشرتي انتي وامك
انتي بتحسبيني هبله ولا عبيطه عشان تسحريني زي ما عملتي مع ابني
يلا اخرجي بره مشعاوزه اشوف وشك العكر ده هنا تاني
منى:والله العظيم ما حطيت حاجه اقسم بالله انتي فاهمه غلط انا قلت اعمل لك قهوه بتكوني صحيتي ونشربها سوا…
ام احمد: فشرتي انتي عاوزه تضحكي عليا بفنجان قهوه وتصاحبيني
شوفي يا مسهوكه انتي….
انتي هنا غريبه عني زيك زي الضيفه الغير مرعوب فيها وبتطلعي شقتك ضيفه ممنوع تمسكي حاجه ولا تيجي ناحيه مطبخي خاالص ولا قهوه ولا اكل ولا كهن نسوان
انا ست البيت هنا والكلمه والشوره شورتي انتي فهمتي يا ست منى ولا مفكره نفسك يا ما هنا يا ما هناك ولا عشان اخدتي ابني مني بتحسبي انك هاتاخدي بيتي كمان….😤 لا يا حبيبتي
وغوري اطلعي لفوق..
منى : حاضر…يا حماتي 😢
ام احمد…. حما لما تجي لك يا حربايه
طلعت على بيتي وبكيت كتير بكيت ٣ ساعات لحد عينيي ما تورمت
و على الساعه ٣ظهر انفتح باب شقتي ولاقيت احمد بس سمعت صوته جريت على الحمام غسلت وشي وحطيت شويه مكياج لاخفي ورم عيوني..
احمد: منى انتي هنا ؟؟!!