ابنها النهارده طالع من عند امه مش طايقنى وعمال يتخانق معايا وجيت اسأله مالك راح ضربنى بالقلم …طبعا اى واحده فيكم كانت هتجرى تغضب عند اهلها …لكن انا بقي الموقف معايا مختلف ….دخلت غيرت هدومى ولبست واتزوقت ودخلت على المطبخ عملت له كبايه قهوه وحطيتها قدامه
وقعد جمبه على الكرسي …بصلى وقالى لا انتى ولا اهلك عندكوا ⊂م ….حسي على دمك وامشي من هنا مش طايقك
رحت مبتسمه وقولتله يسلم لسانك يالهوى على كلامك القمر
قالى انا بشتمك ياقليله ⊂م يابارده ذي أمك قولتله بس حتى شتمتك سكر ………لسانك بينقط عسل …..يالهوووى انا متجوزه قمر ياولاد
راح مصرخ فى وشي وطردنى بره البيت ورمالى العبايه بتاعتى والوبك بالفلوس على السلم …..رحت لابسه ونازله جايبه لب وفول سودانى ومكسرات وشيبسي وبيتزا وبيبسي وطلعت وعديت على حماتى …
اول ما شفتنى اتفاجئت قالتلى هو انتى كنتى فين ومتزوقه كده قولتلها ابنها حبيبي باعتنى اجيب بيتزا ومكسرات وبيبسي علشان نسهر سوا .اصلى طلع من عندك قالى انتى وحشتنى ياست الكل وست الناس كلها يالهووى ياحماتى انتى مخلفه قمر …قالتلى
يعنى ما اتخانقش معاكى ولا زعقلك قولتلها لا تفى من بوءك دا عمال يدلع فيه من ساعه ما طلع ….ربنا يخليه ليا …..وسبتها تخبط دماغها فى الحيطه وطلعت