اول ما وصلت كان الوقت متأخر و الأمن استغربوا لكن معلقوش لأنهم عارفنها
ملاك طلعت بسرعه على الدور التالت اللي فيه مكتب رحيم ملقتش السكرتيرة برا دموعها نزلت وهي واقفه أدام مكتب رحيم… معقول فعلا يخو”نها طب ما يمكن يكون اتجوز عليها.. عشان مشكلتها
بدون ما تفكر فتحت باب المكتب بسرعه جدا ودخلت
رحيم كان بيشتغل و مركز في الورق اللي ادامه
رحيم بفزع:ملاك.!! ايه اللي حصل في حاجه حصلت…. ازاي تيجي هنا في الوقت دا لوحدك… انطقي في ايه
ملاك كانت بتعيط ومش عارفه تتكلم
رحيم بسرعه شدها لحضنه وهي فضلت تتمسح فيه وتعيط :انا اسفه بس انا خفت تكون فعلا اه انا غبيه اوي انا بجد اسفه
رحيم بنظره ذات مغزه:تصدقي اني ممكن اخونك يا ملاكي
ملاك:انت عرفت ازاي؟ انا بجد اسفه والله بس انا خفت تتجوز عليا بسبب مشكله الخلفه قلبي وجعني اوي يا رحيم اوي حاسه ان فيه نار ايضه فيه
رحيم بابتسامه : مش ابن شمس الأنصاري اللي يخون يا ملاك… حتى لو انعرض عليا ملكات جمال لاني هفضل شايفك ست البنات في عنيا ولاني اتربيت على مبادى و أخلاق شمس الأنصاري