نجمه. شمس الدين
شمس بابتسامه جميله دخل ونجمه راحت حضنته كالعاده اللي مهما اتغير الزمن مش هتتغير
عشق بصتلهم وابتسمت تلقائيا وحست بالأمان اللي اول مره تحس بيه في حياتها
زين. حبيب قلبي مبوظ ليه؟
زهره بنظرات كا”ره. هي دي؟
زين بتنهيده. ايوه هي وياريت يا زهره متحاوليش تضيقي البنت
زهره بغيظ. رايح تجيبله بنت زي القمر وتجوزهاله انت عايزها تخطفه من ملاك
زين. زهره اتكلمنا في الموضوع دا قبل كدا
زهره. انا هسكت عشان كلامي مش بيعجبك
نجمه بطيبه وحنان. ازايك يا قمر
عشق بابتسامة. الحمد لله يا
نجمه. قوليلي يا ماما
عشق بدموع. ماما…. انا؟
نجمه باحساس بالشفقه. ايوه انتي مالك
عشق حضنت نجمه وهي محتاجه الحضن دا نفسها تحس ان ليها عيله زي اي حد
نجمه بقيت تطبطب عليها بحزن على حالتها
رحيم بحده. مش هنفضل كدا كتير فين ملاك؟
ملاك من وراهم وهي بصه لعشق واد ايه جميله. انا هنا يا حبيبي
رحيم ابتسم وراح حضنها وشدها لاوضتهم وسط نظرات الوجع من عشق… بس هي عارفه ان ملهاش حق في اي حاجه