معتز:مافيش قهوه يا انسه اتفضلي اقعدي افطري
خلص معتز كلامه وقاعد على كرسي بتاعه
نور اتنهدت:معتز انا متأخره سبني في حالي تكسب ثواب
معتز بحده:اقعدي يا نور مافيش نزول قبل ماتفطري. يلا يا هنا ويلا يا أمي نفطر
نور بعصبيه:
مش من حقك تتحكم فيا..فاهم يا معتز. هو انت فاكر نفسك ايه واصي عليا.. انا نزله
معتز بهدوء بصلها وبتحدي:اه حرفيا انا واصي عليكي يا نور.. ولو ماسمعتيش الكلام.. انا مش بس مش هنزلك الشغل
انا همنعك انك تشوفي الشارع دا تاني
غاليه:ايه اللي انت بتقوله دا يامعتز
معتز بهدوء:دا اللي عندي يا أمي.. ها يا نور اقعدي.
نور بتبصله ومش مصدقه انه بيقولها الكلام دا
ولحظة حست انها ضعيفه هو فعلا لو قرر يعمل دا ماحدش هيمنعوا
ما هي مالهاش حد
اقعدت نور قصاده بهدوء
معتز بأمر:اتفضلي افطري.. يلا يا جماعه
بدأت نور تاكل ومع كل لقمه بتنزل بطنها كانت بتأ.لمها بشده حاولت تتجاهل الألم على قد ماتقدر
وهنا قاعده تتفرج عليها
لحد ماكتفت وقفت قدمهم بغضب.: كده كتير.. كتير اوي
انا ماشيه يا معتز.. انا اصلا غلطانه اني جيت
معتز:مالك يا هنا
هنا بسخريه: لا لا مافيش حاجه.. مافيش حاجه خالص.. لما تاخد بالك ان في حد موجود حوليك غير نور ابقى دور عليا سلام
خلصت كلامها وخرجت ومعتز غمض عينه بضيق
غاليه:انت لسه هتضايق قوم شوف خطبتك