حس معتز للاحظه ان في امل تكون عايشه وقرر يتمسك بيه..
رجع معتز البيت يدور على غاليه
شافها قاعده في اوضتها
حضنه صورة نور وبتبكي
واحساسها انها ضيعت بنتها بنفسها
اتمنت ان الوقت يرجع ولو دقيقه واحده
كانت رفضت ان نور تخرج معه
حتى لو اضطرت تحبسها وماتخلهاش تخرج ابدا
فاقت من شردها على صوت معتز
معتز:امي.. عايز اوصل ل فاتن
غاليه:فاتن.. عايزها ليه يا معتز
معتز كان هيحكلها بس حس انه ممكن يديها امل على الفاضي
:من حقها تعرف ايه اللي حصل ل بنتها
غاليه:عرفت يا معتز الخبر مسمع في كل حته. وهي كلمتني من المطار وزمانها على وصول
شويه ورن جرس الباب قامت غاليه تفتح
و كانت فاتن واقفه قدمها بتبكي والغضب مسيطر عليها :بنتي.. بنتي فين يا غاليه.. انتي سلمتها ل سالم بنفسك.. ضيعتي بنتي يا غاليه.. دي الامانه اللي امنتك عليها
غاليه بنهيار:معرفش انه كان ممكن يعمل فيها كده.. دي بنته عمري ماتخيلت انه ياذيها
فاتن:ليه مكلمتنش يا غاليه.. ليه ماعرفتنيش ان سالم ظهر تاني وبيدور عليها.. انتي نسيتي عملوا فيا ايه زمان.. نسيتي ذ.لهم ليا.. وأنهم كانوا عايزين ياخدوه بنتي مني من زمان. نسيتي عيلة لاشين عملت ايه فينا
غاليه:.. هي اللي طلبت انها تروح معه
لولا كده عمري ماكنت سبتها
دي بنتي قبل ماتكون بنتكم.. لو انتم اللي خلفتوها..
فا انا اللي ربتها وكبرتها..
و انا اللي سهرت وتعبت عليها
وانا اللي مقهوره دلوقتي يا فاتن.
على عروسه اتمنيت اشوفها بفستانها الأبيض
مش بكـ.فن يا فاتن
ايه اللي رجعه تاني..
لو مش عايزها ماسبهاش ليا ليه
فاتن بتوعد:هرجع حقها يا غاليه.. وهيكون غالي اوي
معتز بغضب:كفايه.. الكلام دا مالوش لازمه
انا عايز اتكلم معاكي يا فاتن. لوحدنا
………
خدها معتز الاوضه وبدأ يفرجها على الفلاشه.
وفاتن بتتفرج بصدم#مه:لالا لا مستحيل
وبعدها وراها معتز الرساله:يعني ايه.الرساله دي. وايه علاقة سيف بكل دا.. والحل عندك ازاي
فاتن بغضب:سيف ابن جلال كبر وبيعيد الماضي
معتز:انا مش فاهم حاجه فهميني