نور بابتسامه:انا حلمت بيه كده.. هو دا الفستان اللي هختم بيه العرض وانا اللي هقدمه.. وهعمله فعلا ابيض
معتز برفض: ومين قالك هتدخلي العرض دا
نور:ومادخلوش ليه التشكيله بتاعتي والفكره بتاعتي وانا شايفه اني انسب واحده للفستان دا
هنا سحبت الورقه من ايد معتز بقوه وبصت فيها:اممم هو الفستان حلو بس من غير الحجاب دا.. ومش هيلقي عليكي..معتز معا حق لأنك لو عرضته انتي هتوحشيه اكتر لان جسمك اقل كتير.. ومابقتيش تنفعي مودل.. لازم تختاري حد يحلي الفستان
معتز: بالعكس هو شبه نور وهي انسب واحده للفستان. بس اختي مش فرجه للناس وانا اللي مش موافق انها تبقى موديل وخلتها توقف شغلها دا. تمام
هنا بغضب:.. على اساس ان انا فرجه للناس يا استاذ معتز ما انا عارضة أزياء وانت اتعرفت عليا في عرض والمفروض حبتني
معتز بتبرير:انا مقولتش كده بس نور…
نور سحبت الورقه من هنا وقطعت معتز : كملوا خناقكم دا بعيد عني
وانا اللي هقدم الفستان دا يامعتز
وهشتغل على تصميمه من دلوقتي
خلصت نور كلامها ومسكت بطنها بأ.لم وهي بنجز على سنانها:امممم
معتز بقلق: مالك يا نور.. انتي كويسه
هزت راسها بالايجاب وقبل ما تتكلم
جريت على الحمام وقفلت الباب ورها
راح معتز وراها واستنا قدام الحمام
وهنا بتبصله وعلامات الاستنكار مرسومه على وشها بغضب
شويه وخرجت نور ومعتز قرب منها
: نور هو انتي لسه تعبانه.. انتي روحتي كشافتي زي ماقولتلك
نور بعدت عنه بتعب قبل مايلمسها :انا كويسه يا معتز ومش محتاجه اروح في حته
انا رايحه اجهز عشان الشغل