دخلنا واعتذرت لعمه ومحمد قال كذبة صدقوها من غير جدال وكأن كل حاجه مترتبة حسيت بشك صراحة لكن اعمل ايه لازم اخلص المهمه
= اطلعو استريحو ياابنى شويه طريقكم كان طويل ومراتك باين عليها التعب وعقبال ما الغذا يجهز تكونو ارتحتو
_ اوك ياعمي نستأذن احنا قالها بهدوء وطلعنا اوضتنا وعيني اتسعت برعب من كلمة اوضتنا انا ومحمد فى اوضة واحده والشيطان ثالثنا مشيت معاه وانا خايفة بس لو قرب هضربه واستعديت ليه
بعد ما طلعنا خرج جدو حسن واتكلم
^ طلعو علي اوضتهم خلاص
=ايوه طلعو يرتاحو
^ حلو كله ماشى ذى ما احنا عايزين يا ابني
قالها بغموض وملامح هادئة
١٢
*هي فين اوضى
وأتكيت على كلمة اوضى
-اوضتنا يا مسك أسمها اوضتنا لو عايزه أمورنا متتكشفش
قالها بهدوء ولسه مكلبش فى ايدى نفخت بغيظ ودخلنا كانت اوضه واسعه وجميلة اووى لونها كشمير هادي وستاير من الاستايل الجديد جريت على البلكونة المتزينة بطريقة خرافية وبصيت منها على الحديقة إلى مليانه أزهار من النوع إلى بحبه