منصور..انت هتشوفلي البنت دي اسأل عنها عن اهلها شوف جبتها منين
ماجد..طب لو طلع ليها اهل ولا مخطوبه ولا حاجه
منصور..حتي لو طلعت متجوزه يتق،تل انت فاهم انا معنديش اغلي من سليم واللي عايزه هيتم
ماجد بيبص لمنصور…امرك يامنصور بيه
منصور..انت كمان ابني ياماجد متخدش الامور كده ده انت البكري
ماجد..امرك انا هشوف الموضوع ده
(في المساء)
سليم..يلااا يامريم
مريم..بتنزل وهي لابسه فستان ازرق ومسيبه شعرها الاسود ولابسه عقد رقيق علي رقبتها اول ماشافها سليم انسحر بجمالها
مريم..هنروح علي فين
سليم..علي المكان اللي كنت هوديكي عليه قبل فرحنا بيوم يلااا بينا
سليم بياخد مريم علي مكان على البحر وفيه خيمه كبيره قصاد البحر وجواها طربيزه رقيقه وشموع واكل ووراه الطربيه ستاره بالورد بس مكنش باين اي اللي وراه الستاره
سليم..اتفضلي اقعدي…انتي عارفه ان بقالنا خمس سنين علي فرقنا وساعة مااقوم من اللي انا فيه يكون علي ايدك انا انكتبلي عمر جديد على اديكي
سليم..انتي ساكته ليه
مريم..عادي بسمعك
سليم..طب اتكلمي انا موحشتكيش
مريم بتردد.. وحشتني
سليم..اومال اي بقي؟..طب غمضي عينك