منصور..بقولك لازم تموت يعني زي ماجبتها وخليت الحراس يشوهوها زي ماتقدر تجيب غيرها وتغير لها وشها
ماجد.. انت بتقول اي انت مش كنت مرحب بالفكرة وقولنا سليم هيرجع لينا تاني
منصور.. سليم كده كده عمره مافدنا بحاجه ولولا انك انت اللي ديما بتقف في وشي كان زمان سليم كمان شغال معانا
ماجد.. قولتلك كذا مره خرج سليم بره اللعبه دي بعدين انت مجوبتنيش انت ليه عايز البنت تتق، تل
منصور.. عارف البنت دي طلعت تبع مين
ماجد.. مين
منصور.. جابر القدري
ماجد.. جابر القدري اللي بيتاجر في البنات وبيسفرهم بره
منصور.. ايوه والبنت دي كانت عجباه اوي ومش عايز يتخلي عنها
ماجد.. وانت عملت اي
منصور.. وقفت في وشه ومعرفش يعمل حاجه بس لازم تعرف حاجه البنت دي لو عتبت بره عتبة القصر هتكون ملك جابر
ماجد.. انا اللي هقف في وش جابر حتي لو حكمت ان انا افضل حابسها في القصر
منصور.. انت بتقول اي
ماجد.. بقول ان مريم مسؤليتي وانا مش هتخلي عنها
________________________________________
في الصباح
عبير.. حمدلله على السلامة ياوفاء هانم
وفاء.. خدي الشنط دي طلعيها فوق وحضري اوضه لريم صاحبة روان عشان هتقعد معانا كام يوم
عبير.. بس اوضة الضيوف مشغوله
وفاء.. مشغوله ازاي
عبير بتقف ساكته مبتتكلمش
وفاء.. ماتنطقي
عبير.. اتفضلي شوفي بنفسك يامدام
وفاء بتتطلع فوق عشان تشوف مين اللي فوق وبتروح داخله الاوضه ومريم بتبقي مديلها ظهرها
وفاء.. انتي مين
مريم.. بتكون خفت وقدرت تمشي شويه بس مش اوي
مريم.. بتدور وشها
مريم.. انا مريم
وفاء.. بتتصدم لما تشوفها.. انتي ازاي عايشه امشي اطلعي بره مش كفايه الحاله اللي ابني بقي فيها بسببك
مريم.. انتي فاهمه غلط انا..
وفاء.. انتي لسه واقفه بتكلمني تعالي هنا امشي اطلعي بره
وفاء بتبقي خلاص هترمي مريم بره القصر
ماجد بصريخ.. امي انتي بتعملي اي
وفاء.. اولا انا مش امك انا ام سليم وبس ثانيا البنت دي مش هتقعد في القصر ولو ثانيه واحده
ماجد.. البنت اللي هي مين
وفاء.. ماجد متتجننيش بقولك مريم
ماجد.. مش لو كانت مريم
وفاء.. انت هتجنني