نسرين خرجت بسرعه وهى بتعيط:بابا كويس انك جيت تلحقنى من المتو”حش دا…
عمار بصدمه:اي…
الظابط قرب منه وقال:هوا انت لسه هتتصدم يا رو*ح ام*ك..
وشده على برا وكانت البلد كلها متجمعه …
والعمده جه …
العمده:في اي يا باشا عمار عمل اي دا ولد مش بيطلع منه العيبه….
الظابط:كان خاطف بنت واعتدى عليها والبلاغ جالنا امبارح من ابوها….
العمده:وانتو عرفتوا منين…
الاب:بنتى اتصلت بيا وهى منهاره وبص لعمار وقالتلي أن الكلب دا خطفها وكان عاوز يعتدي عليها والله اعلم كان عاوز اي تاني الحمد لله انى لحقتها يلا يا حضرة الظابط خده على البوكس لازم اربيه….
عمار زعق:انى معملتش حاجه البت دي كدابه …بص لنسرين:دا جزاتى انى ساعدتك خيرا تعمل شرا تلقى صحيح ربنا عالظالم حسبي الله ونعم الوكيل…
الظابط زقه عالبوكس وركب ومشيو…
فاطمه كانت معديه وسمعت اللي حصل جريت على القصر …
_يا حوريه يا حوريه يا حوريه..
فضلت تنادي عليها…
حوريه جريت عليها من المطبخ:في اي يا بنت الملهوف طالما بتنادي كدا يبقى اكيد في مصيبه…
_الحقى اخوكي قبضوا عليه
_اي اخويا عمار عمل اي..ولى انطقى .
_البت الصفرا اللي انتى ضربتيها قبل كدا اتبلت عليه ولبسته نصيبه وقالت إنه خطفها واعتد”ى عليها وهى اتصلت بابوها وجابت البوليس….
_اه يا نسرين الك”لب والله ما هخليها عايشه لو حصل لاخويا حاجه..
وبدأ دموعها تنزل ….
ادم كان نازل من فوق وشاف حور بتعيط..
جري عليها:مالك يا حبيبتي..
وبص لفاطمه في اي
فاطمه حكتله كل حاجه …
مسك ايد حور:طيب تعالى معايا وان شاء الله هتتحل متقلقيش
هزت راسها وراحوا على المركز اللي خدو عمار عليه…
كانت نسرين واقفه بتعيط دموع تماسيح…
الاب:اديني نفذت طلباتك لما نشوف هتتجوزي ادم ازاي وتبقى سيده القصر أنا وراكي اهو لحد النهايه
نسرين بخبث:متقلقش أنا مظبطه كل حاجه اهم حاجه أن عمار ميطلعش منها الا لما اعمل اللي في دماغى وادم ميحاولش يساعده …
الاب:متقلقيش أنا مظبط كل حاجه والموضوع جاي من فوق من عند اللواء رؤوف.وانتى عارفه انه حبيبي ودائما مظبطه..
_ربنا يخليه لينا …
حوريه وادم وصلو…
عمار كان واقف وفي أيده الكلا”بشات….
حوريه قربت منه وحضنته وهى بتعيط:اي اللي حصل يا عمار أنا مش مصدقه الكلام دا انت مستحيل تعمل كدا …
عمار:أنا عمري ما اعمل كدا يا حور أنا عمري ما رفعت عيني في واحده دا جزاتى انى ساعدتها…
حور باستغراب:ازاي مش فاهمه..
ادم:قولى اي اللي حصل يا عمار علشان اقدر اساعدك
عمار بدأ يحكيلهم كل اللي حصل
_وبس ولما هى قالتلي انها مطروده من عندكوا قولتلها تدخل تنام لحد الصبح وغير كدا والله معملتش أنا بس شوفت فيها اختى وخفت عليها دا جزاتى يعني …
ادم حاول يطمنه وبدأ يعمل اتصالات علشان يجيب محامى…
ودخل جوا للظابط علشان يفهم الموضوع
_للاسف يا ادم بيه مش هنقدر نساعدك لانه ممسوك متلبس والبنت منهاره خالص ولسه هتتعرض على اخصائي نفسي
ادم:كل دا كدب واللي برا دول كدابين انتو حتى محاولتوش تسمعوه…
الظابط:أنا آسف دي أوامر وبلاغ وتلبس مش محتاج كلام …
_انا مش هسكت وعمار هيخرج…
عند حور ..
شافت نسرين واقفه جريت عليها وجابتها من شعرها…
_بقى انتى تتبلي على اخويا يا انثى الصعلوك انتى صدقت لما سميتك سردين يا صفرا والله مش هرحمك يا جبانه ربنا ياخدك ….
الكل حاول يبعدها عنها..
الاب:ابعدوا البنت دي عن بنتى
ادم خرج وشد حور من نسرين …
_أنا هقدم محضر تعدي على بنتى من المتو”حشه دي
حور:أعلى ما في خيلك اركبه انت وبنتك اعمل اللي تعمله خلاص مبقاش يهمني
اخويا هيخرج من هنا يعنى هيخرج غصب عنكوا…
آدم خدها في حضنه علشان يهديها..
وبدأت تعيط:عمار مش هيتس”جن علشان الصفرا دي يا آدم اتصرف ارجوك
ادم كان بيحاول يتماسك قدام دموعها
_متقلقيش المحامى جاي في الطريق وان شاء الله هيخرج ….
وقال لنسرين بخبث:علامات التعدي باينه عليكي اووي وكمان نفسيتك متأثره جامد ومنهاره…
وقرب منها وهمس:عارفه لو دي لعبه منك هنسفك نسف انتى وابوكى..
عدي يومين والتحقيق فضل مستمر ونسرين اتعرضت على دكتور نفسي وقدرت انها تدين عمار وكمان نتيجة الطب الشرعى ظهرت…
ادم بعصبية:هوا يعنى اي الكلام دا اتعدى عليها ازاي بس معملهاش حاجه وهى اصلا كانت معاه لوحدها وغير كدا أن عمار بنيته كويسه يعنى لو عايز منها حاجه هياخدها غصب عنها
الظابط:لو سمحت متعليش صوتك التقارير قدامك مجبتش حاجه من عندى يلا اتفضل برا…
ادم خرج بعصبية وهوا مش مستوعب اللي بيحصل…
حوريه كانت دموعها بتنزل بهطول وكانت تعبانه وباين عليها الارهاق وكانت جنبها مى وفاطمه بيطبطبوا عليها ويخففوا عنها…
نسرين جت في الوقت دا وقعدوها في مكان قريب منهم…
حور بعدت عن فاطمه ومي..
فاطمه:حور استنى
_مش هعمل حاجه يا فاطمه أنا مش قدامى دلوقتي غير انى انزل بنفسي وراسى علشان اخويا ميحصلوش حاجه ومستقبله يضيع …انتى عارفه هوا عندي اي…
قربت من نسرين …ووقفت قدامها…
نسرين كانت قاعده بتكبر وهي شايفاها..
حور :أنا اسفه
نسرين ابتسمت بخبث
_انا عندي استعداد اعملك اي حاجه اشتغل عندك خدامه بس اخويا يطلع من الس*جن وانا عارفه انك تقدري تطلعيه زي ما دخلتيه…
نسرين بصتلها بخبث…
_اممممم تؤ أنا مش عوزاكى تشتغلى عندى علشان انا ميشرفنيش واحده زيك تشتغل عندى أنا عوزا حاجه تانيه اغلى شويه..
حور:اللي تطلبيه المهم اخويا ..
نسرين وقفت وقربت منها وهمست:تط”لقى من ادم…
_اي…
الفصل الرابع عشر من هنا
نسرين وقفت وقربت منها وهمست:تطلقى من ادم…
حور بدموع وقلبها بيوجعها:انتى بتقولى اي لي بتعملى معايا كدا أنا اذيتك في اي…
نسرين:لما يا شاطرة تاخدي حاجه مش بتاعتك بييجي يوم وتسبيها غصب عنك وانا قولتلك قبل كدا متلعبيش معايا واختاري يا اخوكى يا آدم …أنا قولت اللي عندى ..
نسرين قعدت مكانها بتكبر وقالت:قدامك اربعه وعشرين ساعه لو خبر الطلاق مجاليش اعتبري أن اخوكي قضى بقيت عمره في السجن…
حور بدموع وهى بتحاول تتماسك:طيب ممكن تسيبيني اسبوع بس عقبال ما امهد الموضوع وادم ميشكش فى حاجه…
_تؤ هم يومين علشان كدا ابقى عملت معاكى الواجب يلا روحى زي الشاطره كدا شوفي هتعملى اي…
حور مشيت وفاطمه خرجت وراها وكمان مى..
فاطمه:هى قالتلك اي الصفرا دي خلتك شكلك مش طبيعي كدا وقربت منها:مالك يا حور قالتلك اي …
حور بتعب:مفيش يا بطه أنا هروح ارتاح شويه علشان تعبانه..
مي:طيب استنى هاجى معاكى..
فاطمه:وانا كمان…
حور:لا خليكوا أنا عوزا ابقى لوحدى علشان تعبانه شويه وكمان أنا رايحه بيت عمار مش القصر …
فاطمه:اي هيوديكي..
حور :مفيش البيت وحشني بس عوزا اقعد هناك شويه .
مى:خلاص روحى وانا هبقى اقول لادم
حور هزت راسها ومشيت…
راحت البيت وقفلت الباب وانهارت من العياط اول مره تكون في الحاله دى روحها اتدفنت بسجن اخوها …
*هم السبب في كل اللي حصلي يا ريتنى ما قابلته ولا شوفته ولا حبيته يارب العون من عندك يارب هون على قلبي أنا تعبانه اوووي اغلى اتنين على قلبي بيضيعوا منى …بس لازم اختار اخويا لانه هوا اللي ربانى هوا السبب في انى عايشه لحد دلوقتي هوا ابويا…
فضلت تعيط لحد ما جه الليل عليها وهى دموعها منشفتش من على وشها ….
فجأه لقت الباب بيخبط…
مسحت دموعها بسرعه:مين…
ادم من ورا الباب :أنا يا حور افتحى..
حور اتوترت مش عارفه تقوله اي ولا تعمل اي بس قررت تمثل البرود..
فتحت الباب ..
ادم قرب منها وحضنها:حبيبتي اي اللى مقعدك هنا مروحتيش القصر لي مى اللي قالتلي انك هنا…
حور ببرود:عادى …
ادم يصلها:مالك يا حور اي اللي مضايقك..
حور:مفيش حاجه مضايقانى أنا زي الفل حتى شوف..
ورسمت على وشها ابتسامه:أنا بضحك أنا مبسوطه مفيش حاجه هتضايقنى واللى يضايقنى بشيله من حياتى…
ادم باستغراب:اي لازمته الكلام دا …
حور:مفيش حاجه…ادم ممكن تسيبنى هنا النهارده تعبانه ومش عوزا اتكلم…
ادم:طيب هفضل معاكى ومتتكلميش بس أكون متطمن عليكي …
حور:لا متبقاش معايا أنا عوزا ابقى لوحدى ممكن …
ادم:لا مش هينفع..
حور بعصبية:قولتلك سيبني في حالى حل عنى بقى أنا من ساعت ما شوفتك وانا معشتش يوم حلو ….
وبدأت تعيط:أنا اي اللي خلانى اقابلك أنا اي خلانى اروح مع فاطمه القصر يا ريتني ما قابلتك ولا وافقت انى اتجوزك ولا اقابل عيلتك ولا اشوف نسرين ولا اخويا يعرفكوا…
اخويا عاش طول عمره مبصش لاي واحده ولا عمره اتعدى حدوده والبلد كلها بتحلف بيه وباخلاقه جيتوا انتو قلبتوا الموازين أنا كرهت اليوم اللي شوفتك فيه وكرهت الساعه اللي اتجوزتك فيها…
ادم :اي الكلام اللي بتقوليه دا يا حور اي حصل لكل دا …
_حور!احنا طول عمرنا عايشين في حالنا ،من وقت مانتو جيتوا والبلد كلها انقلبت أنا محستش بكل دا الا لما اخويا اتاخد قدام عيني بسببكوا….
حلو عننا واخرجوا من حياتنا بقى …
ادم حس انها منهاره قرب منها علشان يحضنها ويطمنها زقته بعيد
_متقربش منى ابعد عنى أنا بكرهك انت وعيلتك انتو دموتوني ودمرتوا اخويا اللي مليش غيره…
نسرين خدت منى اعز شخص على قلبي وكله بسببك…
أنا مليش ذنب في كل دا بس الظاهر فعلا انى لازم مكنتش احلم بأكتر من اللي أنا عايشه فيه دا …
هوا دا مكانى الحقيقي يا ادم بيه …
ادم :أنا بس مقدر موقفك دا يا حور …لكن مش هستحمل كلامك دا كتير …
حور ببرود:وانا مش عوزاك تستحمل ومش عوزا منك حاجه ولا عوزا القصر ولا عوزا اي حد أنا مش عوزا الا اخويا اللي اتسجن ظلم دا علشان كده انت لازم تطلقني…
ادم:انتى بتقولى اي انتي اتجننتي اي دخل علاقتنا باللي حصل
_دا اوامر السنيوره بتاعتك علشان تحل عن اخويا وتخرجه علشان كدا لازم ابعد عنك وتنسانى للابد …
_انتى قصدك أن نسرين اللي طلبت منك الطلب دا
حور بدموع وقهره:ايوا ..
ادم قرب منها وحاوطها بايديه:وانا مش هطلقك واخوكى هيخرج صدقيني يا حور خليكي واثقه فيا …
حور ضعفت بين ايديه واترمت في حضنه وفضلت تعيط:أنا كل الكلام اللي كنت بقوله دا كان من ورا قلبى أنا مش بكرهك ولا عمري هقدر اكرهك بس انا عوزا اخويا وهى هددتنى بس مقدرتش مقولكش مش عوزا اخسرك …
ادم غمض عينيه بعصبية:نسرين زودتها وانا عارف هعمل اي معاها اصبري بس عليا
_قالتلي يومين لو متطلقتش منك هتخليه مسجون ومش هتطلعه..
_صدقيني وانا قبل اليومين دا هتكون الكلابشات في ايديها هى ….هى فتحت على نفسها طاقة جهنم تستحمل اللي هيجرالها بقى…
حور مسكت في هدومه ببكاء:أنا مش عوزا ابعد عنك يا آدم ارجوك متسبنيش…
ادم:مانتى اللي كنتى عوزا تسبيني…
حور بصتله بدموع:كان من ورا قلبي كل الكلام دا أنا اسفه …
ادم:متتسافيش يا حبيبتي ودموعك دى مش عاوزها على خدك العسل دا تاني ولو على عمار يومين بالكتير وهيخرج متقلقيش ومتخافيش…
حور :ياريت يا آدم انا خايفه اووي سردين دي شريره اووي دي غلبت ابو لهب…
ادم:طيب اي مش هترجعى معايا البيت..
_لا عوزا افضل هنا النهارده..
ادم:طيب وانا معاكى…..