فؤاد ايوه يا روحى ، انتى فين
سلمى أنا فى الشركة ، فى حاجة يا حبيبي ولا ايه
فؤاد اه فى حاجة وضرورى كمان
سلمى خضتنى قول فى ايه
فؤاد مينفعش فون ، أنا عايز اقابلك
سلمى ازاى وانت قولت أن مينفعش قبل اسبوع
فؤاد خلاص يا سلمى بقى ، أنا هتصرف بس تعالى عايزك ضرورى
سلمى حاضر يا فؤاد نتقابل بكره فى مكانا المعتاد الساعة 5
فؤاد ماشى يا سلام
روح قاعدة بره وحاسه انه مكبر الموضوع اوى لكل ده ، المفروض هى اللى تخجل مش هو بس حصل العكس ، معقول مش طايقنى للدرجة دى ولا هو واعد حد أنه مش هيلمسنى ولما لمسنى اتضايق لانه خلف الوعد ، اصل مفيش تفسير الا كده وبعدين قامت وراحت ليه الغرفة
روح بتخبط
فؤاد بزعيق عايزة اي يا روح
روح عايزة اتكلم معاك شوية
فؤاد أنا مش فاضى للكلام الهايف ده لان عندى شغل ضرورى ولازم اخلصه ، لما أفضى ابقى كلمينى
روح ماشى ، اعمل اللى يريحك
فؤاد مش عارف ازاى عملت كده وشوية وكانت هتبقى علاقة كامله
روح هو ماله ، شكل الموضوع فى بنت ، هو اه قالى انه مش بيحبنى وأنه مجبور على الزواجة دى بس معقول يكون بيحب واحده عليا ولو بيحب ازاى حبيبته تتحمل أنه يتجوز عليها ومدام بيحب حد ليه اتجوزنى ، أنا بنت لكن هو راجل ومحدش يقدر يتحكم فيه فليه وافق ، الموضوع فى انه ولازم اعرفها
فؤاد قضى اليوم كله فى اوضته قاعد على النت عمال يتابع الشغل والفيس وناسى روح بره اللى دماغها عماله توديها يمين وشمال
روح هو هيفضل طول اليوم جوه ولا لأ ، أنا زهقانه وقالت إنها هتكلم صحبتها منى
روح ايوه يا منى عامله ايه
منى أنا بخير يا قمر ❤️ ، انتى اخبارك ايه واخبار الجواز حلو ولا ايه النظام
روح الحمد لله انت بخير والجواز ده طلع احلى حاجة فى الدنيا
منى شوفوا مين بيتكلم عن الجواز مش من يومين كنتى بتقولى أنا لسه صغيرة ، أنا مش هتجوز دلوقتي وانا كنت قولتلك استنى ممكن فؤاد يطلع كويس
روح اه شوفت الزواج ، المهم مش موضوعنا
منى ايوه يا روح ، انتى وحشتينى اوى
روح وانتى كمان علشان كده قولت اكلمك
منى قلباااااى يا ناس ، المهم فى حاجة ولا ايه
روح بكدب لأ ابدا بس وحشتنى وقولت اكلمك