فؤاد استنى ليه
روح عورنى أنا بدالك
فؤاد ليه يعنى ، خايفة عليا
روح مش قصدى ، عورنى أنا لانك راجل ولو عورت نفسك فى أيده أو رجلك هتتعرف وهيتكلموا لكن لو انا اللى اتعورت محدش هيعرف لانى بلبس طرحة وجسمى كله مش باين ، فهمت بقى
فؤاد اه فهمت ، انت عليكى دماغ ، أنا عمرى ما فكرت كده لانى كنت متوقع أن ده هيحصل
روح شوفت بقى انى مش طفلة
فؤاد ماشى ياختى تعالى يلا
روح ادته رجليها وعورها حاجة بسيطة ومسح الدم بالقماشة وبعدين جاب الاسعافات الاوليه علشان يضمضلها الجرح
روح لأ مينفعش ، ابعد
فؤاد ابعد ايه ، هو انا قربتلك يا بنتى ، أنا هعملك الجرح
روح عارفه بس مينفعش انت اللى تعمله
فؤاد ليه يعنى هو حرام
روح مش حرام بس طبعا مفيش راجل بيمسك رجل مراته ويحطلها المرهم
فؤاد لا فى وكتير كمان وانا منهم ويلا هاتى رجلك بلاش وجع دماغ
روح ادته رجليها وكانت بتبصله نظرة اعجاب
فؤاد خلصت يا ماما ، هتعرفى تمشى ولا لأ
روح هعرف
فؤاد ورينى كده
روح جت تمشى بس رجلها وجعتها
فؤاد شوفتى بقى ، تعالى ادخلك
روح عادى أنا هدخل