فى يوم فؤاد رجع من الشغل بس ملقاش روح فى البيت فقلق عليها ورن محدش رد ورن على أهلها وصحابها وبردو محدش رد
بالليل وهو قاعد
_ المدام معانا
فؤاد الو .. مين معايا .. الو لكن الخط كان فصل
فؤاد خد الرقم وبحث عنه على التروكولر علشان يعنى صاحب الخط ده لكن لقاه اسم مستعار ومتوصلش لحاجة
فؤاد يا ترى مين اللى خطفك يا روح وعايز ايه وبعدين قال سلمى !!!!
فؤاد سافر لسلمى علشان يعرف هى اللى خطفت روح ولا لأ
فؤاد دخل الشقة وقفل الباب جامد وقال بزعيق سلللللمممى !
سلمى جت مفزوعة على صوته وقالت فى ايه .. بتزعق كده ليه
فؤاد هى فين يا سلمى
سلمى باستغراب مين دى اللى فين .. فؤاد أنا مش فضيالك وكانت هتمشى بس هو مسك ايديها جامد وقال
سلمى متعصبنيش .. انتى عارفه مكانها وانا متأكد فانجزى واحكيلى
سلمى انت بتتكلم عن مين
فؤاد بزعيق بتكلم عن روح .. انتى خطفتيها .. وديتيها فين
سلمى روح !! هى روح مخطوفة !!؟ أنا لسه عارفه دلوقتي منك وكمان أنا هخطفها ليه يعنى
فؤاد اظن أنا اللى مفروض أسألك السؤال ده بس ممكن علشان خدتنى منك وضرتك وكده
سلمى قعدت على الكرسى وحطت رجل على رجل وقالت بكل برود
أنا فرحانه انى سمعت الخبر وانى شوفت ملامحك المرعوبه دى بس انا معرفش مين خطفها وكملت بخبث وقالت ولا تكون هربت مع حد ؟! ممكن بردو
فؤاد بعصبية بطلى برود بقى .. انتى ايه مش بتحسى .. وثانيا مستحيل روح تهرب أصلها مش خبيثة زيك يا سلمى .. حقيقى كل شوية بتخلينى اندم وأكره نفسى واليوم اللى حبيتك واتجوزتك فيه وكان هيمشى بس وقف لما سمع سلمى بتقول
هى الناس اصلا تعرف أن روح مراتك علشان تخطفها ؟!! .. اصل لو حد تبع الشغل عايز ينتقم منك فكان هيخطفنى أنا خصوصا أن الناس عارفه انى مراتك وميعرفوش روح ومدام هى اختفت فأكيد هربت .. فكر كده وركز هو معقوله واحدة بعد كل اللى انت عملته معاها ده تكمل معاك .. اكيد لأ .. هى بس عملت كده علشان لما تهرب تفكر أنها مخطوفه
فؤاد سابها ومشى من غير لما يرد عليها
فى السيارة
منكرش ان كلام سلمى منطقى جدا بس بردو مستحيل روح تخدعنى وتعمل كده .. أنا متأكد أنها مخطوفة بس يا ترى مين ولو فعلا حد من الشغل كان خطف سلمى يبقى اكيد حد من اهلى لأنهم عارفين انى متجوز روح
فؤاد روح البيت وحاول يرن على الرقم كام مرة بس بردو مغلق
يا ترى يا روح انتى فييييين ؟!!!؟
____________________________
عند روح
روح صحيت لقت نفسها مربوطه فى مكان غريب بس باين انه مكان فخم
روح مين اللى جبنى هنا .. حد هنا .. طلعونى من هنا
واحد دخل وقال
شششش .. مسمعش صوتك
روح انت مين وجبتنى هنا ليه
– اظن باين انك مخطوفه فأكيد مش جايبينك ملاهى
روح طب وعايزين منى ايه
– هتعرفى بعدين وسابوها ومشيت
روح قعدت تعيط وخائفة اوى .. خايفة على نفسها وخائفة على الطفل اللى فى بطنها وخائفة فؤاد ميعرفش مكانها ومش عارفه الناس دول خطفوها ليه ولا هيعملوا ايه
***************
_صحيت ؟!
-ايوه صحيت وقعدت تسال بس احنا سيبناها ومشينا .. باين عليها مجنونه يا باشا دى بتسأل هى فين مفكره نفسها فى ملاهى
_ ضربه بالقلم وقال اوعى تتكلم عليها نص كلمة ولا افصل راسك عن جسمك .. دى تتعامل احسن معاملة .. مفهوم ولا مش مفهوم ؟؟!
– مفهوم يا باشا .. أنا مكنتش اعرف انها تهمك اوى كده .. طب ليه خطفناها ؟!
_ لسانك ده هقطعهولك لو سألت تانى .. يلا امشى
_ ولا وعرفت اجيبك بردو يا روح هههههه 😂
تفتكروا مين ده ؟
_________________________
عند عدى وندى
ندى قامت من النوم لقت عدى حضنها من ظهرها.. لوهله فرحة بس زعلت بعدها
قامت لمت شنطة هدومها علشان تمشى وسابته رسالة مكتوب فيها
” حبيبى عدى .. عارفه انك دلوقتي بتدور عليا بس انا سبت البيت ومشيت ومتدورش عليا لانك مش هتلاقينى .. مش قادرة اتخيل انك تكون مع واحدة غيرى علشان كده قررت ابعد عن حياتك وللأبد”
حبيبتك ندى 💔
عدى صحى وملقاش ندى ولمح الرسالة قرأها وقال ليه كده يا ندى .. ليه عايزة تدمرى حياتنا
أما ندى فهى كانت ماشية بس قررت تروح عند مروة وتواجهها لاخر مرة ولحسن حظها أنها راحت ليها
ندى سمعت مروة بتتكلم مع صاحبتها
– بس ازاى التحليل طلع متطابق والولد مش ابنه
مروة ده لو عمل تحليل معاها لكنه عمله مع نفسه
– مش فاهمة قصدك .. يعنى ايه مع نفسه
مروة قصدى أنه عمل DNA ل شعره منه مع شعره منه يعنى انت جبت شعرتين وادتهم ليه بدل شعر ابنى فطبيعى التحليل يطلع متطابق لانه نفس الشعر .. كان فى الاول عايز يعمله تحليل دم بس انا اتحججت وقولت أن الولد بيخاف من الحقن وتعبان وممكن يتعب اكتر وكده فوافق يعملها بالشعر وعملت نفسى بشد شعرتين من ابنى واديته الشعر بتاعه وكده التحليل طلع ايجابى وفكر أن الولد ابنه
– بس انتى عملتى كده ليه .. مش انتى اللى خنتى عدى من الاول واطلقتى منه واتجوزتى
مروة ايوه بس فكره انه حب غيرى واتجوز و عايش سعيد معاها ضايقتنى لانى عايزاه طول عمره يعيش متحسر عليا فعملت كده علشان ابعدهم عن بعض
– وافرضى مبعدوش عن بعض
مروة منا كل شوية هقابله واقوله تعالى شوف الولد وابنك تعبان وكده وهى هتتعب خصوصا انى عرفت انها حساسه اوى لان والدها كان قاسى معاها بس مش موضوعنا دلوقتي
– طب وزوجك هتعملى معاه ايه وهو عارف ان الولد ده ابنه مش ابن عدى
مروة أنا طلبت الطلاق لانى مش قادرة اكمل معاه وكمان هو ميعرفش انى قولت لعدى أن الولد ابنه .. اعترفلك ان عدى حاجة تانية خالص .. كشكل وشخصية وكان بيلبى كل احتياجاتى وبيعاملنى معاملة خاصة وبيحبنى اوى لكن التانى ده عادى
– تمام براحتك 😂😂😂😂😂
كل ده وندى واقفة وسامعة ومصدومة ومش عارفه تعمل ايه .. صدفة حلوة أنها تيجى وتسمع كلامها وخصوصا أنهم واقفين تحت العمارة
ندى رجعت لعدى وهى بتجرى
عدى اول لما شافها جرى عليها وحضنها جامد وقالت كنتى فين يا ندى
ندى وهى بتحضنه جامد كنت هبلة ودلوقتي عقلت
عدى بعد عنها وقال كده تسيبينى
ندى خلاص مش هسيبك تانى لان السبب اللى بعدت عنه كده وهو أن ابن مروة مش ابنك وانا سمعتها وهى بتقول كده وكمان سجلت كلامها
عدى سمع التسجيل وكان متعصب اوى وعايز يروح يموت مروة بس ندى مسكته وقالت
ندى حطت ايديها على رقبته وقالت خلاص يا روحى .. سيبك منها ولو هى اتكلمت نسمعها التسجيل وخلاص .. ماشى يا روحى وحضنته جامد
عدى بادلها نفس الحضن وقال مبسوط اوى يا ندى انك فى حياتى وبعد عنها وقالها وحشتينى اوى
ندى وانت كمان يا حبيبي ❤️🙈🙈🙈
_______________________________
عند فؤاد
فؤاد مش عارف يعمل ايه ولا يكلم مين .. خايف يتكلم يكون بيأذى روح غصب عنه وبردو لو معملش حاجة ممكن تتأذى .. يا رب حلها من عندك
فجأة لقى موبايله رن فرد بسرعة وقال الو
_ صوتك بيقول انك ملهوف اوى
فؤاد انت مين وفين مراتك
_ اتعصب وقال متقولش مراتك .. انساها.. هى دلوقتي بقت بتاعتى والحق لازم يرجع لصحابه
فؤاد انت بتقول ايه .. قولى انت عايز كام وانا هديهولك بس رجعلى روح
_ هههههه 😂 اللى بيجى عندى مش بيرجع تانى
فؤاد اتعصب وقال هو انت ايه .. عايز تاخد مراتى .. أنا مش هسمحلك
_ اهدى اهدى كده متتعصبش .. عصبيتك مش هتساعدك لانك مش عارف انا مين ولا روح فين ولا اقولك حبيبتى فين أصلها خلاص هتكون ليا وهتجوزها
فؤاد انت شكلك مجنون .. تتجوزها ازاى وهى مراتى
_ منا هطلقها منك واتجوزها يلا سلام وقفل السكة فى وشه
فؤاد رمى الموبايل على الكرسى وقال يووووووووه … مين ده وعايز ايه منى ومن روح
_________________
عند روح
_ نايمة ولا صاحية ؟
– صاحية يا باشا
_ طب كلت حاجة ؟
– مش راضية تاكل ولا تشرب خالص وعماله تقول انتوا مين وعايزين ايه
_ تمام .. افتح الباب
روح أول لما شافته قالت انت !!!!
تفتكروا مين !!!!
يتبع …..
الفصل الثاني والاربعون من هنا
فؤاد انت شكلك مجنون .. تتجوزها ازاى وهى مراتى
_ منا هطلقها منك واتجوزها يلا سلام وقفل السكة فى وشه
فؤاد رمى الموبايل على الكرسى وقال يووووووووه … مين ده وعايز ايه منى ومن روح
_________________
عند روح
_ نايمة ولا صاحية ؟
– صاحية يا باشا
_ طب كلت حاجة ؟
– مش راضية تاكل ولا تشرب خالص وعماله تقول انتوا مين وعايزين ايه
_ تمام .. افتح الباب
روح أول لما شافته قالت انت !!!!
تفتكروا مين !!!!
يتبع ….