روح بس انا مسامحتكش يا فؤاد وكنت هطلق منك بس علشان اهلى ميزعلوش وميفضلوش شاكين فيا علشان كده جيت هنا
فؤاد طب وعلاقتنا هتبقى ازاى
روح هتبقى زى الإخوة يعنى أنا هعملك الاكل وشغل البيت وكده لكن من غير لما تكلمنى أو تقرب منى
فؤاد طب منا اروح اقعد عند أمى احسن وهى تعملى كل ده
روح براحتك أنا مش هضغط عليك
فؤاد يعنى انتى شايفة كده يعنى
روح اه شايفة كده وانت لو عايز تروح لمراتك التانية روح .. أنا مش همنعك
فؤاد بس انا مش عايز غيرك انتى .. عايز حبك واهتمامك .. عايز قربك
روح طلبك مش موجود عندى .. عن اذنك وقامت ماشية للاوضة بس فؤاد مسكها من ايديها وحاصرها بينه وبين الحيطة وقال
فؤاد يعنى انتى عايزانى ابعد عنك
روح من غير لما تبص فى عينيه قالت اه
فؤاد لأ بصى فى عينى وقولى مش عايزاك تقرب
روح بضعف من قربه مش عاا..يزاك .. تقرررب
فؤاد عايزانى اروح لسلمى واقرب منها
روح بلعت ريقها وقالت اه عايزاك
فؤاد قعد يبص فى عينيها وكل لما روح تنزل عينيها يقوم هو رافع وشها ليه
فؤاد يعنى مش حاسه بأى حاجة دلوقتي وانا جنبك
روح بضعف واضع لأ مش حاسه حاسه حاجة
فؤاد قرب منها اكتر وحط راسه على رقبتها وباسها
فؤاد قعد يتنفس على رقبتها
روح صوت نفسها على لدرجة أن فؤاد سمع صوتها
فؤاد بصوت هامس قال عايزانى ابعد؟
روح لللللأ
فؤاد ابتسم اوى على ردها وقال وانا كمان مش عايز ابعد عنك لانى بحبك
روح فجأة حست انها فاقت وافتكرت كل حاجة فبعدت عنه دخلت الاوضة
فؤاد بصدمة هو ايه اللى حصل .. ليه جريت
فؤاد وروح قضوا الليل فى التفكير فى اللى حصل وفى اللى جاى من علاقتهم
تانى يوم
روح راحت الكلية علشان تركز فى دراستها
بعد المحاضرة
منى عامله ايه يا روحى .. اخبارك ايه
روح بخير الحمد لله .. معلش مشغولة اوى الفترة دى
منى من ايه يا حبيبتى
روح تعبانه اوى يا منى .. حاسه انى متضايقة
منى ربنا معاكى يا روح … بصى الشاب اللى هناك ده
روح بصت وقالت مش عارفه ليه كل شوية اشوفه ماشى ورايا .. عايزة أكلمه افهمه ولا اقولك مش مهم
منى سيبك منه .. يلا نروح
روح معلش أنا هروح لوحدى
منى تمام يا روح
بره الكلية
_ كنت مستنياكى
يا ترى مين ده/ى ؟؟؟!!!
يتبع….
الفصل الثامن والثلاثون من هنا
بره الكلية
_ كنت مستنياكى
روح انتى عرفتى مكانى ازاى
سلمى بضحك هههههههههههه أنا اعرف اجيب اى حاجة .. يلا تعالى اركبى وتعالى نروح نقعد فى مكان تانى علشان نتكلم
روح بقلق لأ نتكلم هنا احسن
سلمى انتى مالك خايفة كده ليه .. أنا مش هخطفك .. وكمان الكلام هيطول وهنا مينفعش
روح اضطرت توافق وراحت معاها كافيه
******************
روح ايوه يا سلمى عايزة ايه
سلمى عايزة مصلحتك ومصلحتى
روح ازاى يعنى
سلمى أنا وانتى متجوزين نفس الشخص وهو ظلمنى احنا الاثنين وبيوهم كل واحدة أنه بيحبها فلازم نوقفه عند حده
روح سلمى انتى سبق وقولتيلى الجملتين دول قبل كده لما جيتى تقابلينى عند اهلى وخليتينى ارجع لفؤاد فلو سمحتى متعديش الكلام تانى
سلمى عارفه بس المرة بس انتى مخلتينيش اكمل كلامى ساعتها وكمان دى حاجة تانية ولازم نأذيه
روح انتى بتقولى ايه .. أنا وافقت أنى أعلمه درس بس مستحيل اأذيه علشان أنا بحب.. لكن سكتت
سلمى سكتى ليه .. كنتى هتقولى لانك بتحبيه .. احب اقولك أنه مش بيحبك بالعكس بيكرهك لكن اللى بيعمله ده علشان أنا رافضه يقرب منى علشان كده بيحاول يقرب منك
روح ساكته ومش بترد لأنها مصدومة
سلمى اسمعى كده التسجيل ده
روح سمعت التسجيل واتصدمت منه
سلمى سمعتى وعرفتى ان كلامى صح وأنه بيضحك عليكى مش اكتر
روح بس ازاى
سلمى ازاى ايه .. انتى سمعتى التسجيل وانه موافق انه يحطلك حبوب منع الحمل وحتى لما بابا قاله معترضش ولا اى حاجة بالعكس كان ساكت لأنه كان عجبه الكلام يعنى انتى محملتيش لحد دلوقتي لانه كان بيحطلك حبوب منع الحمل
روح فى نفسها ازاى بيحطلى حبوب منع الحمل وانا حامل .. أنا مش فاهمه حاجة وبردو مينفعش اقولها أنى حامل لانى بردو مش واثقة فيها اوى
سلمى عارفه انك مصدومه وطبعا مكنتيش تتوقعى ده منه بس انا كأخت لازم اقولك واعرفك علشان متكونيش عامية عن الحقيقة
روح طب وانتى هتعملى ايه فى ابنك
سلمى هربيه لوحدى .. أنا مينفعش اكمل مع واحد مخادع زى فؤاد ونزلت دموع التماسيح
روح هنعمل ايه
سلمى ايوه كده .. اسمعى ………..
روح ماشى يلا سلام علشان ميشكش فى حاجة
سلمى تمام خليكى على اتصال بيا ومتخاليهوش يقرب منك مهما كان السبب
روح حاضر
سلمى لنفسها اهم حاجة انك مش حامل وإلا كانت الخطة كلها فشلت ورنت على ابوها علشان تقوله اللى حصل وطبعا والدها مبسوط أن بنته شريرة وبتعرف تأذى غيرها
************************
عند فؤاد
فؤاد خلص شغله ورجع البيت ملقاش روح فى البيت فاستغرب ورن عليها كان كان غير متاح
فؤاد يا ترى راحت فين .. مش من عوايدها أنها تتأخر بعد الكلية كده فافتكر أنه مسجل نمرة صحبتها منى فرن عليها
فؤاد ازيك يا منى .. أنا فؤاد زوج روح
منى ايوه يا استاذ فؤاد .. خير فى حاجة اقدر اساعدك بيها
فؤاد كنت هسألك على روح
منى خير .. هى روح فيها حاجة .. هى كانت معايا النهاردة وفعلا كان شكلها زعلان
فؤاد فى نفسه ده يعنى أن روح مش معاها وأنها روحت
فؤاد كنت هقولك خلى بالك منها لانها متضايقة شوية مش اكتر
منى من غير لما تقول .. دى فى عنيا
فؤاد تسلمى .. يلا سلام
فؤاد يعنى انتى مش مع منى .. اومال روحتى فين .. ممكن راحت تشترى حاجة
شوية ودخلت روح وكانت ايديها فاضية وفؤاد اول لما شافها فرح لكن ملقاش معاها حاجة فاتضايق وقرب منها وقال
فؤاد كنتى فين يا روح
روح كنت فى الكلية
فؤاد منا عارف بس انتى طلعتى من بدرى وكمان صحبتك منى روحت فانتى كنتى فين
روح هو انت بتراقبنى ولا ايه
فؤاد متغيريش السؤال يا روح .. كنتى فين ؟
روح فى نفسها طبعا مينفعش اقوله انى كنت مع سلمى علشان هيتضايق وتحصل مشاكل
روح بسرعة كنت بتمشى شوية لانى مخنوقة
فؤاد والله .. كنتى بتتمشى فين
روح يوووووووه .. هو تحقيق ولا ايه ؟! .. قولتلك كنت مخنوقة ومشيت شوية مكفرتش يعنى .. ولا انت عايز تتخانق وخلاص
فؤاد مش عايز اتخانق اكيد بس عايز اعرف كنتى فين علشان كنت قلقان عليكى
روح وانا اهو قدامك كويسه يعنى مفيش حاجة .. عن اذنك علشان تعبانه وسابته ودخلت أوضتها
فؤاد هى مالها متعصبة اوى كده ليه .. أنا متأكد انها مكنتش بتتمشى بس يا ترى كانت فين ؟؟
روح دخلت الاوضة وهى متعصبة ومش قادرة تتكلم
روح كده يا فؤاد تضحك عليا بس عايزة اعرف ازاى أنا حامل وانت كنت بتحطلى حبوب منع الحمل فبعتت لاختها لمياء وقالت
روح لمياء .. هو ممكن الواحدة تطلع وهى بتاخد حبوب منع الحمل
اختها لمياء ردت بسرعة وقالت اه عادى بتحصل كتير .. وممكن تكون مركبة لولب كمان وبردو يحصل حمل لان مفيش وسيلة حمل بتمنع الحمل بنسبة 100٪ بس انتى بتسألى ليه
روح عادى مجرد سؤال
لمياء انتى قولتلى لفؤاد عن حملك
روح لأ .. هقوله اخر الاسبوع وهعملهاله مفاجأة لانه هيترقى فى الشغل
لمياء ماشى بس لازم تتابعى مع دكتورة علشان سلامة البيبى خصوصا الشهور الاولى
روح تمام .. نروح بكره بعد الكلية
لمياء ماشى يلا سلام
روح يعنى حصل حمل بالغلط وحطت ايديها على بطنها وقالت
روح ابوك مكنش عايزة تبقى موجود بس إرادة ربنا فوق كل شيء وانا مش عارفه ايه الحكمة انك تبقى موجود فى الوقت ده بس انا هحافظ عليك بعيونى
*********************
بالليل
فؤاد على السفرة مع روح
فؤاد ممكن نتكلم شوية يا روح
روح هتقول ايه
فؤاد أنا عايز نتكلم بهدوء وروقان
روح اتكلم هو انا مسكاك
فؤاد اتكلمى كويس يا روح .. متنسيش انى زوجك
روح وانا مش معتبراك انك زوجى .. يعنى ملكش كلام عليا
فؤاد اتعصب عليها وقال اسكتى يا روح احسنلك
روح هتعمل ايه يعنى .. هتضربنى ولا ايه
فؤاد دى مبقتش عيشة والله وسابها وطلع بره الشقة
روح احسن تستاهل علشان تستاهل اكتر من
**************
عند عدى ومروة
عدى خد شعره من ابن مروة و وداه للمختبر علشان يعمل تحليل DNA
عدى اقسم بالله يا مروة لو الولد مطلعش ابنى ليكون حسابك معايا عسير علشان تفرقى كويس بينى وبين ندى
مروة هتشوف أنه ابنك