عدى امى اعرفك ب ندى ، مراتى وحبيبتى
الام مراتك ، اتجوزت امتى يا بنى
عدى من فترة قريبة ، فاكرة اخر مرة كلمتك وقولتلك أن فى واحدة فى حياتى ، هى ندى يا امى وطبها ملهاش أهل علشان كده اتجوزتها بسرعة علشان مينفعش تعيش لوحدها خصوصا أن والدها اتوفى من شهر
الام حضنتها وقالت حبيبتى يا بنتى ، اعتبرينى زى امك بالضبط وباذن الله اشيلك فى عيونى زى عدى ابنى بالضبط
ندى بادلتها الحضن وهى فرحانه بكلامها وبتتمنى ان كلامها يطلع صح وأنها تحبها
عدى احم احم هو انا شفاف ولا ايه
الام اه شفاف ، تعالى يا ندى اعرفك على البيت اللى هتعيشى فيه
ندى تعالى يا امى
الام حبيبة ماما ❤️
الام خدت ندى علشان تشوف البيت
———–
عند ايمان وسليم
سليم تتجوزينى ؟
ايمان انت بتقول ايه ، بتحب روح وعايز تتجوزنى ازاى ، انت بتعمل كده ليه
سليم كنت بحب روح وهى دلوقتي ماضى وانا عايز اعيش حياتى ولا حرام
ايمان مش حرام بس حرام انك تظلمنى معاك ، يعنى لما اتجوزك وانت مش بتحبنى لان قلبك لسه فيه مشاعر تجاه روح يبقى كده بتظلمنى ولا لأ ؟!
سليم بس انا عايز اتجوزك يا ايمان لأن مفيش واحدة بتفهمنى غيرك والوحيدة اللى هتخلينى انسى الماضى وهتخليها جمبى علطول
ايمان انت قولت بلسانك هتخليك تنسى الماضى يعنى لسه بتفكر فيها وانا مش هقبل اكون بديلة
سليم شوفتها مبسوطه مع زوجها فقولت ليه اوقف حياتى علشان واحدة فرحانه بزواجها ، كنت فى الاول بقول أنها اكيد زعلانه علشان اتغصبت على الجوازة دى بس طلعت غلطان وأدركت ده النهاردة لما كانوا مبسوطين مع بعض ، عايزك تساعدينى ، أنا حقيقى بحبك يا ايمان بس مش الحب الحب بس بحترمك فبقولك ادينى فرصة اثبتلك انى اكون زوج صالح ومناسب ليكى
ايمان ماشى يا سليم
سليم باذن الله خير
———–
ام عدى فرجت ندى على البيت كله وبعدين جت على أوضة عدى وقالت
الام دى اوضة زوجك يا حبيبتى واوضتك انتى كمان من دلوقتي فاتفرچى عليها براحتك
ندى معلش يا ماما ، ممكن أسألك سؤال
الام ايوه يا بنتى ، خير