رديت وقلتلها انا تعبانه مش هقدر اكمل انا اسفه روحي انتي على شغلك وخدي بالك من نفسك
خرجت من المستشفى وكان العمده واهالي البلد مستني جثه البنت عشان يدفنوها..
لمحت الشباب الي بيحاول يغتصب “سعديه* الي شوفته في حلم وقفت اتأمل شكله..
قطع تركيزي صوت ”صفيه” وهيا بتصررررخ
صرخه هزت المستشفى والناس كلها بتجري مش عارفه ايه الي بيحصل ومين بيصرخ
وانا جريت على اوضه التغسيل لقيت الباب مفتوح
”وصفيه” بتتشنج على تربيزه التغسيل بدل الجثه والجثه ملهاش اثر جريت على صفيه انا والممرضين ودكتور سامح وروحنا على الطواريء حاله”صفيه” كانت صعبه..
مدير المستشفى جمعنا في المكتب وطلب من الأمن يخرج الأهالي من المستشفى
د. عبدالله بقا يزعق ويقول في ايه مالكم وايه الي بيحصل مين اخد جثت البنت
حلفت اني مشوفتش جثتها ودكتور سامح قال انا سلمتها لمشرفه الممرضين بعد ماكتبت تقريري
مشرفه الممرضين قالت اتسلمت للتغسيل..
الجثه راحت فين ”يانبويه” انتي فيكي حاجه غريبه من الصبح انا شاكك فيكي؟
والله والله يادكتور ماشوفتها..
انا هبلغ الشرطه وهيا تشوف شغلها معاكم
استنو كلكم لحد ما الشرطه تيجي تحقق..
الظابط دخل مكتب المدير وبدأ يحقق معا الدكتور سامح و المشرفه بعد كدا خرجو..
وبدأ يحقق معايا قالي مش انتي الي اتكلمتي معايا الصبح
ردت وقولتله ايوه يافندم
قالي كلامك الصبح دا ليه علاقه باختفاء الجثه
قولتله معرفش
قالي طب انتي عرفتي ازاي انها اتقتلت؟؟
قولتله روحها هيا الي جتلك وقالتلي..
هاهاهاهههههه المفروض اني أصدق كلام المجانين ده
اعترفي وقولي الجثه فين لحد دلوقتي العمده وأهل البنت مش عارفين ان الجثه اختفت لو عرفو هايخربو الدنيا على دماغك..
والله يافندم ما شوفتها اسأل ”صفيه” صحبتي
انا كنت خرجت من المستشفى..
تعالي نروح نشوف ست صفيه دي كمان
روحنا ل ”صفيه” الدكتور المسؤل عن حلتها قال انها في غيبوبه..
بصلي الظابط وقلي شكلك هتشرفينا في القسم النهرده..
روحت القسم وانا المتهمه في اختفاء الجثه..
العمده واهالي البلد عرفو بخبر الاختفاء واقتحمو المستشفى..