ياسمين بفرحه: بجد يا محمد
محمد: بجد يا قلب محمد
ياسمين: ربنا ميحرمني منك ابداا
محمد: ولا منك يا حبيبتي
ياسمين: طيب انا هقفل دلوقتي علشان ريماس عاوزاني
محمد: ماشي يا حبيبتي باي
ياسمين: باي
محمد قفل مع ياسمين وقال: ياااه يا ياسمين اخيراا هتبقي لياا يارب اكتبلي فيها الخير وقربها لقلبي وقربني لقلبها وطلع من اوضتو راح قعد مع مامتو..
محمد بضحك: اي يا ست الكل بتعملي اييه
زينب مامت محمد: اي يا حبيبي بتفرج علي برنامج الطبخ ده يمكن الاقي حاجه حلوه اقوم اعملها
محمد بضحك: يا امي والله ما انتي نافعه في حاجه كل مره بتقعدي بساعه والساعتين وبتطلعي من المطبخ تقولي العيب في الشيف مش فياا وان هو الي بيعمل حجات مش حلوه
زينب بزعل مصتنع: قوم من جنبي ده انت واد ر*خم والله
محمد: خلاص يا حبيبتي حقك عليا
زينب: بقولك يا حبيبي عوزاك في حاجه كده
محمد: اممممم انا عارف الداخله دي كويس جيبالي عروسه صح
زينب باحراج وتوتر: يا حبيبي بس افهم دي والله عسوله اوي وبنت ناس ايييه ماشاء الله عليهم انت قول اه بس واحنا نروح من دلوقتي
محمد: ماما انا بحب ياسمين وهجوزها
زينب بصدمه: ياسمين مين اخت زين يا محمد
محمد بتوتر: اه يا ماما
زينب بعصبيه وانفعال: انت بتقووول اييه يا محمد دي متجوزه ومعها بنت
محمد: ما هيا اتطلقت يا ماما
زينب بزعيق اكترر: يا بسم الله ماشاء الله وكمااان مطلقه يالهوووي يا خبتك في ابنك الوحيد يا زينب انت عاوز تجنني يا ابني
محمد: ماما لو سمحت انا اخد قرار وهنفذو
زينب بدموع: هتتجوز من غير رضايا يا محمد
محمد: لا يا امي مقدرش اعمل كده وانتي عارفه انا مليش غيرك يا ست الكل ومش عاوز غير رضاكي عليا وعلي الجوازه دي وادعيلي انها تكمل علي خير
زينب بعصبيه: انت بتقول اي يا محمد انت مستوعب الي انت بتقولو دي معها طفله ومتجوزه قبل كده ليه يا ابني تعمل فيا كده ده انت ابني الوحيد وعاوزه اعملك الحلو كلوو
محمد: ارجوكي يا امي انا بحبها وانتي عارفه كده كويس اوي
زينب بزعيق: علي جث*تي ان الجوازه دي تكمل يا محمد انت فااهم
وقامت سبتو ودخلت اوضتها ومحمد نزل ركب عربيتو ومشا وهو متعصب جدااا….