الحاج عاطف: انا طالب ايد تاليا لزين إبني
ادهم: هو لحق يعرفها عشان يتجوزها ياحاج
عاطف: لأ هو مطلبش ولا يعرف اني بكلمك
_أمال إيه مش فاهم
: شوف يابني انا هافهمك كل حاجة بس بلاش تقاطعني
_الولا زين زي ماانت شايف مش بدماغه جواز ولابنات قفل التلاتين ومفيش حاجة نقصاه وأنا عارف طبعه زي الز.. فت ومعندهوش مرونة ولارقة بالتعامل مع البنات وانت أدرى الناس بيه امك تعبت معاه حاولت تقنعه ببنت اختها وهو أبدأ
بقلم مرفت السيد
وبصراحة انا شايف اختك الوحيدة الي هتقدر تغيره وتخليه يفكر بالجواز
وقبل ماتقولي اشمعنى هجاوبك زين مش بيحط واحدة بدماغه ويضايقها الا لو كانت عجباه واختك زي القمر واخلاق وادب وتربية وانا واثق انها هاتربيه وبرضه هجاوب على سؤالك الي بيدور في راسك انا باطلب اختك بيني وبينك هما مش هايعرفو حاجة دلوقتي لحد. ماهو ييجي زاحف يطلبها منك انا عاوزك تطمن انت مسافر واختك بنتي متقلقش بس لو في عرسان بيتقدمولها يعني بلاش ونديهم فرصة هي وزين محصلش حاجة من الي قولتهولك كرامتك محفوظة بس من اب لابنه انا طالب منك تدي زين فرصة يتعلق بتاليا
صمت ادهم وهو يفكر وقال: طالما الموضوع زي ماقولت بيننا وبس انا موافق زين شاب ملتزم ودوغري وكفاية انه ابنك
تهلل وجه عاطف: ربنايباركلك ياحبيبي
بلغ تاليا اني كلمتلها حامد عتمان بس نتيجتها تظهر وهتنزل تدريبها معاه ومش هخليه يتعبها
ادهم: على بركة الله ياحاج
عاطف: خد. دعوة فرح علاء وفيروز بنت عمه بكرة بإذن الله تشرفونا انت وتاليا والحاجة
ادهم: باذن الله الف مبروك يابشمهندس
عاطف: عقبالك يابني
_عن اذنك انا ياحاج
: اتقضل ياحبيبي