زواج بالقوة

_بتعملي اي؟
=بسبوسه، عشان اول يوم ليا معاكم
_وعلى كده بتعملي بسبوسه حلوه؟
=ابقى دوق واحكم، مين البنت دي صحيح الي كانت هنا؟
_امل بنت عميي
عملتلها وخدت الصنيه واطباق وطلعت الصاله ومامته وباباه وهو كلوا منها وكانوا فرحانين وبيقولوا تسلم ايدك
طلعت قعدت في الجنينه وهو جه قعد معايا
_عندي فضول اسمع حكايتك
=بس يجدع
_اه وربنا
=هتقلب دراما
_لو عيطي اعيط معاكي
=بص يسيدي، بابا وماما اتوفوا وانا عندي 17 سنه يعني اول مفهمت يعني اي حب عيله، عمي بقى طبعا خدني عشان اعيش مع عيالوا بس كان فيه تفريق جامد اوي، تعرف انا خرجت من التعليم، ومن كتر الي حصلي نسيت حتى الحروف، هربت واشتغلت خدامه انا شوفت كتير اوي يا احمد، كتير اوي على قلب بنت عندها 21 سنه!!
_تعرفي اول مشوفتك في الفستان الي انتي لبساه دا فرحت اويي انه جه في بالك تلبسيه، بتاع اختي اول مشوفتك افتكرتها، سافرت ومحدش عارف عنها حاجه، مش عارفين حتى نتواصل معاها!! هي أكبر مني ب5 سنين وجع الفراق انا مقدره وحاسس بيكي، ربنا يرحمهم ومن هنا ورايح انا اخوكي ولو احتاجتي اي حاجه قوليلي، مجرد انك تقوليلي بس وهعملك الي انتي عوزاه
ابتسمت ومسحت دموعي=تيجي نكمل البسبوسه؟
ضحك_يلا قومييي
يمكن هو جه يطيب الوجع دا كله، كان فعلا ونعم الأخ، ومامته كانت بتعاملني حلو اوي عشان مفتقده بنتها، ابوه
اي رويا عندي علي صفحتي اعملو متابعه عشان تتبعو كل جديد راجل طيب اويي، مش عارفه هقول كده ازاي بس هما رجعوا دفا العيله الي كنت محتجاه وكنت بشوفه من بعيد، طول الشهرين وهما محسسني اني فعلا منهم، نسيت اصلا اني مجرد خدامه!!، طول الشهرين واحمد بيعلمني الحروف واني اكتب وأقرأ تاني، إلى هو حد بالبرأه دي مفيش والله
_مريم؟