هدى: ايه اللى عرفك
صفا: كانوا جايين من بره وسمعت خالد وهو عمال يزعق فيها إنها تقف وبعد كده سمعت صوتهم وهما بيتخانقوا
هدى بمكر: كويس أوى…. قريب هخليه يطلقها
صفا: بس يا خالتو واضح إن هى مش عايزه تسيبه بعد اللى حصل وشافتنا المفروض كانت تحكى لجدها وتطلب الطلاق….. بس دا محصلش ولسه متمسكه بيه
هدى بغضب: مستحيل اللى سمحت بيه زمان وإن خالد اتجوز وخلف قبل كده إنه يتكرر إنه يكمل حياته مع البت دى
صفا: يعنى هتعملى ايه
هدى: اسمعى هقولك ايه…….
صفا بتوتر: بس أكيد كده الموضوع هيتكشف بعد فترة
هدى بخبث: هيكون ساعتها اطلقوا ومفيش فرصة للرجوع
لتكمل هدى بحقد لنفسها: قسمًا بالله لهحر”قك قلبك با بنت صفاء وهندمك ابنى مستحيل أخليه يكمل معاكى
——لا إله إلاّ أنت سبحانك إني كنت من الظالمين——
فى اليوم التالى
جاء كلًا من أمير ووالدته للغداء بعد دعوة الجد لهم…… كان يستقبلهم الجميع ويرحب الجد بعودتهم من السفر
الجد عبد الرحمن: نورتوا البلد تانى يا ناهد…. حمد لله على سلامتكوا
ناهد: الله يسلمك يا عمى….. البلد منوره بيكوا
الجد عبد الرحمن: أخبارك يا أمير يا بنى
أمير: بخير يا جدى الحمد لله
ليوجه كلامه لأمنية: ايه يا أمنية مش هتسلمى عليا
لتقترب أمنية للسلام عليه ولكنها خالد يمسك كف يدها بكفه قائلًا ببرود: معلشى بقى مراتى مبتسلمش على حد
أمير: اومال مين دى
قال كلامه وهو موجهًا حديثه لصفا
صفا بدلال: أنا أبقى مرات خالد
أمير: بقى حد يسيب أمنية ويتجوز دى
صفا بغضب: ايه دى ما تحترم نفسك
ليتجاهل أمير كلامها وهو يحاول أن يتحدث مع أمنية ولكن فى كل مرة يسبقها خالد بسرعة فى الحديث
أمير: وأنتِ بقى يا أمنية مش بتشتغلى ليه كل مرة كنت بسألك مش بتشتغلى ليه بتوهى خصوصًا إنك بتحبى مجال كليتك
خالد بسرعة: ملكش دعوة…. هى مش ناقصة حاجه علشان تشتغل
أمير بهدوء: مش شرط البنت تشتغل علشان الفلوس…. تشتغل علشان حابه يبقى ليها حاجه خاصة بيها…. شئ تبقى فخورة إنها عملته….
خالد بغضب: بقولك ايه دى مراتى وأنا حر معاها خليك فى حالك
لتشعر أمنية بتوتر الجو لتقول بسرعة: يلا يا عمتو أنتِ وجدو الغدا والأكل هيبرد
ليغادر الجميع لسفرة الأكل وكان كلًا من أمير وخالد ينظروا لبعض بتحدى
——سبحان الله وبحمده سبحان الله العظيم——
فى ألمانيا
كان نادر وهمس وبعض الموظفين الشركة فى اجتماع خاص بالعمل وإحدى الصفقات