=تصبحي على خير
مسكت ايده _بتعيط لي يا أحمد!!
=عشان هتتجوزيي
_منتا كمان هتتجوز، هتتجوز امل الي من مستواك والي بتحبك والي هتعرفوا تتفاهموا مع بعض، هتتجوز الي من لونك
=..
_انا بقى كنت غبيه ، بس انا مش ندمانه اني ..
=انك اي؟
_انا هنام، تصبح على خير
طلعنا احنا الاتنين وكنا واقفين قدام بعض محدش فينا عاوز يدخل اوضته، لغايه مدخلت انا
غيرت الفستان وقعدت مش عارفه انا نمت امتى وازاي بس صحيت على صوت خبط في الباب، لبست طرحه
_ادخل
دخل لقيته احمد
=صباح الخير
_صباح الخير، هو تحت
=هو مين!!
_محمود ،عاوزك هو برا في الجنينه
=ماشي هبقي انزل
_انتي لي بتعملي فيا كده؟ انا زعلتك في حاجه طيب؟
=انت عمرك مزعلتني يا أحمد
_امال عاوزه تسيبيني لي؟
=انا عمري معوزت اني اسيبك، بس انا مش عارفه ابقى واحده منكم
_انتي فعلا كنتي واحده مننا، لغايه مطلعتي مع امل امبارح، قالتلك كلام يضايقك!!
=لاء
_امال عاوزه تعملي فيا كده لي يمريم
=طب اهدي طيب
_لا مش ههدي، انا مش بحبك امل ولا عمري حبيتها، انا مكنتش عارف يعني اي حب اصلا، الا لما انتي جيتي، كل حاجه بقت تمم في وجودك، توتري الي مش بعرف اسيطر عليه بيقل لما تبقى جمبي، مبحبش السكريات بس بحب البسبوسه بتاعتك، بتطمنيني وانا قلقان وخواف، لما تبقى معايا ببقى كويس، بلاقيكي مدالي ايدك في اي وقت بقع فيه، خوفك عليا ودعواتك ليا كل دا بيفرق معايا، عاوزه انتي بقى تمشي وتسبيني!! ارجع تاني احمد الي كنت كارهه! احمد الي بيتوتر من أقل حاجه الي لما يقع مش بيلاقي حد جمبه، ارجع للضلمه تاني واني مليش اخت!! انتي كل حاجه يمريم كل حاجه دا انا، انا حتى عمري حبيت غيرك
=إيه!