_ونفس الشخص الي بتحبيه مش كده؟
=كده
_وهو اعترف ولا لا!!
=جاي يعترف من خمس دقايق والله محد هيجبلي جلطه غيره
ضحك_احمدي ربنا انه نطق دا صاحبي وانا عارفه بس تعرفي هو لو حبك يبقى بيحبك بجد اصل احمد طول عمره في حاله وانا على طول بقول ان مراته هتبقى محظوظه بيه، لكن دلوقت بقول انكم محظوظين ببعض والله
=متشكره يمحمود متحرمش منك
_انا من دلوقت اخوكي لو عوزتي اي حاجه انا موجود
ابتسمت =طبعا
_انا لازم اروح الشغل بقى، سلام يمريم
=مع السلامه
قد اي انا ارتحت لما طلعت كل الي في قلبي، فاضل حاجه واحده اني اطلع الي في قلبي للأستاذ الي جوا دا
دخلت جوا ملقتوش، فطلعت على اوضته وخبطت
_ادخل
=صباح الخير
_صباح الخير، هتتجوزوا؟
=لا
_امال بتضحكوا مع بعض لي مدام مش هتتجوزوا؟
=دا انت مراقب بقى!
_بصيت في الشباك بالصدفه لقيتكم قدامي
=يجدع
_ موافقتيش لي؟
=مليش مزاج دلوقت
_مش بهزر يمريم
=عشان بحب واحد تاني
_والواحد دا يبقى مين بقي؟
=انت، الواحد دا يبقى انت، انا بحبك يا احمد
_ايدا في اي
=يلا افقد الوعي يلا
_مفيش وقت لما نتجوز هفقد الوعي في حضنك حاضر
=والله متربيت لحظه
_الله يخليكي، يلا ننزل نقول لأهلي بقي
مسك ايدي وشدني وانا وقفت
_اي يبنتي في اي؟
ربعت ايدي =واضمن منين انك مش هتزعلني مثلا!!
_انا هخليكي احسن واحده في الدنيا
=في الدنيا؟
ابتسم _في الدنيا
انتهي
مع تحياتى