هنا انتي واخده الولد السوق منا صاحيه وقاعده فاضيه مجبتهوش ليه
قولتلها مارضيتش اقلقك زعقتلي يومها وخدت الولد ومشيت وانا ماشيه وراها كأني عامله ذنب
حمايا مره حب يناغشها راح زاققني وانا عملت اني وقعت وزعلت
زعلت من تصرفه واسبوع متكلموش وتقوله انت عمرك مكنت قليل القيمه تعامل ستات البيت كده
قالها وآلله بنهزر معلش حقك عليا
قالت كلمه وآلله ما طلعت من بالي ابدا .
قالتله اللي يهزر بقله قيمه مره
هيضرب بعد كده ويقل من الكرامه
كل ما كان حد يشتري من البيت حاجه جديده ويفرجها لها
تزغرط لولولولولولولولولوي انشالله شفشق بلاستيك
انا اشتري عبايه تروح واخدها علي بؤقها وتزغرط دي طريقتها في قوله مبروك
هي اشترت تلاجه جديده انا روحت جبتلها خزين التلاجه ومنظمات تلاجه ودخلت رصتلها الفاكهه والجبن والمربات والخضار وعملتلها فيونكه كده علي التلاجه مع بنتها وابنها هما كبار ما شاء الله
ولما دخلت تفتح التلاجه لقيت المفاجاءه