شوفوا أنا غلطانه ولا ايه بعد اذنكم أنا امي اتوفيت الله يرحمها من تلات سنين حماتي
مجتش تعزينى لا هى ولا بنتها مع ان مكنش فيه خلاف بينى وبينهم خالص
وكنت قبلها بيومين عند اخت جوزي وواخدلها زياره وكله تمام أنا الوحده اللي كنت بزورها باحلى زياراتلكن باقي سلايفي لو راحوا يزوروها بياخدوا حق الزياره من أمها
وكنت عند حماتى تانى يوم ماشي امي اتوفيت كنت قاعده عندها والخبر جالي وانا هناك ربنا يعلم نزل عليا ازاي
مكلفتش نفسها حتى تقولي البقاء لله حلفت لجوزي إن يوم ما امه تتوفى مش هروح عزاها ولا عاتبت ولا اى حد غير بعدها بسنه تقريبا فتحت معايا الموضوع لما لقيتنى قطعتت زياراتي لبنتها
قولتلها اسالي نفسك انتي وبنتك قالتلي عشان يعني مجناش نعزى في امك
واحنا هنيجي نعمل ايه قولتلها عادي انا مجتش عاتبتك وياستى الدنيا دواره لا حزن دايم ولا فرح دايم
ويوم عندي ويوم عندك قالتلي انا برك زى بنتى والله وربنا يعلم قولتلها انا ماليش أم امى ما تت
وانا كنت ببرك زيها وهى خلاص ما تت وعيط يوميها لأن ماليش غير أمي حتى اخت جوزي لقيتها بتقولي الحزن في القلب مش في اللمه واحنا كنا هنيجي يعني نعملك ايه
قولتلها الله يرحمها بكره تجربي زعلت من كلمتى جات حماتي اتوفيت امبارح وانا.