الضابط : امبيرح واحنا فى المكان لقينا عيل صغير وبعد التحاليل والفحوصات اللازمه طلع ابنك الضابط : امبيرح واحنا فى المكان لقينا عيل صغير وبعد التحاليل والفحوصات اللازمه طلع ابنك
سامح بخضه : ابني مين ابني مات ، قتلوه المجرمين
الضابط : قالوا فى التحقيق أنه كان ضمن الخطه أنهم يقولوا أنهم موتوه
سامح بفرحة : يعني أنا ابني عايش
ام فيروز بفرحة : والله لولا اننا فى عزا كنت هزغرط
الضابط بابتسامه : ربنا يفرحكم دايما بس لازم حد يجي يستلمه وبدل انت واخد طلقه فى رجليك مش عارف تتحرك غير بعكاز فأبعت حد معايا يستلمه
سامح : هجيب فيروز واجي ورا حضرتك
الضابط : خلاص تمام هستناك
( عدا فترة وسامح بقي كويس هو وفيروز اما البيبي فقاعد مع سامح فى بيته )
سامح : هتسافري مع والدتك ؟
فيروز : لاء
سامح : ليه ؟
فيروز : عايزة افضل هنا
سامح : وانا مش عايزك هنا
فيروز بصدمة : مش عايزني هنا ! ليه ؟
سامح : كفاية يا فيروز كده انتي تعبتي ودخلتي فى حوارات ملكيش ذنب فيها ، وخايف خايف اخسرك تاني أنا خسرت ناس كتير فى حياتي ومش هقدر اخسرك انتي كمان فلازم تسافري وتبعدي على الأقل اضمن انك تكوني بخير